ગુજરાત / અમદાવાદના સાબરમતીમાં AMCની દબાણ હટાવવાની કામગીરી, 114 રહેણાંક મકાન અને 56 કોમર્શિયલ એકમો તોડાયાં

અમદાવાદમાં રસ્તા પહોળા કરવાની કામગીરી વચ્ચે સાબરમતી વિસ્તારમાં સતત બીજા દિવસે ડિમોલિશનની કાર્યવાહી હાથ ધરવામાં આવી છે. સાબરમતી ટોલનાકાથી નરેન્દ્ર મોદી સ્ટેડિયમ સુધીના માર્ગ પર દબાણો દૂર કરવા માટે અમદાવાદ મ્યુનિસિપલ કોર્પોરેશન (AMC) દ્વારા કામગીરી કરવામાં આવી રહી છે. 18 મીટરના રોડને પહોળો કરવાના હેતુથી આ કાર્યવાહી હાથ ધરવામાં આવી છે. આ કામગીરી દરમિયાન રહેણાંક મકાનો અને કોમર્શિયલ એકમોનાં બાંધકામો દૂર કરવામાં આવી રહ્યાં છે.

સાબરમતીમાં સતત બીજા દિવસે ડિમોલિશનની કામગીરી

સાબરમતી ટોલનાકાથી નરેન્દ્ર મોદી સ્ટેડિયમ સુધીના માર્ગ પર દબાણો દૂર કરવાની કામગીરી ચાલી રહી છે. આ માર્ગને 18 મીટરનો પહોળો બનાવવા માટે તંત્ર દ્વારા બાંધકામો દૂર કરવામાં આવી રહ્યાં છે. આ કામગીરી દરમિયાન કાયદો અને વ્યવસ્થાની સ્થિતિ જળવાઈ રહે તે માટે પોલીસ બંદોબસ્ત પણ ગોઠવવામાં આવ્યો છે. તંત્ર દ્વારા માર્ગ પરનાં બાંધકામો દૂર કરીને રસ્તો પહોળો કરવાની કામગીરી આગળ વધારવામાં આવી રહી છે.

અમદાવાદમાં સાબરમતીથી સ્ટેડિયમ સુધી દબાણો દૂર કરાયાં, 170 એકમો પર ડિમોલિશન અમદાવાદના સાબરમતી વિસ્તારમાં AMC દ્વારા સતત બીજા દિવસે ડિમોલિશનની કામગીરી હાથ ધરવામાં આવી. સાબરમતી ટોલનાકાથી નરેન્દ્ર મોદી સ્ટેડિયમ સુધી 18 મીટરના રોડને પહોળો કરવા દબાણો દૂર કરાઈ રહ્યાં છે. આ કામગીરીમાં કુલ 114 રહેણાંક મકાનો અને 56 કોમર્શિયલ એકમો તોડવામાં આવ્યાં છે. સમગ્ર કામગીરી પોલીસ બંદોબસ્ત વચ્ચે હાથ ધરવામાં આવી. #Ahmedabad #Sabarmati #DemolitionDrive #AMC #VTVDigital

— VTV Gujarati News and Beyond (@VtvGujarati) October 14, 2026

114 રહેણાંક અને 56 કોમર્શિયલ એકમોનો સમાવેશ

આ સમગ્ર કામગીરીના પ્રથમ ફેઝમાં કુલ 114 રહેણાંક મકાનો અને 56 કોમર્શિયલ એકમોનો સમાવેશ કરવામાં આવ્યો હતો. AMC દ્વારા આપવામાં આવેલી માહિતી મુજબ, કોમર્શિયલ પ્રકારનાં બાંધકામો અગાઉ જ દૂર કરવામાં આવ્યાં છે. હવે રહેણાંક બાંધકામો દૂર કરવાની કામગીરી હાથ ધરવામાં આવી રહી છે. રહેણાંક મકાનો દૂર કરતાં પહેલાં અસરગ્રસ્ત લોકોને વૈકલ્પિક વ્યવસ્થા પૂરી પાડવાની કામગીરી કરવામાં આવી હોવાનું AMCના અધિકારીએ જણાવ્યું છે. આ વ્યવસ્થા કર્યા બાદ જ બાંધકામો દૂર કરવાની કાર્યવાહી હાથ ધરવામાં આવી રહી છે.

AMCના આસિસ્ટન્ટ TDO વિવેક ગુપ્તાએ શું કહ્યું?

AMCના આસિસ્ટન્ટ TDO વિવેક ગુપ્તાના જણાવ્યા પ્રમાણે, સમગ્ર રસ્તાની કામગીરીને બે ભાગમાં વહેંચવામાં આવી છે. પ્રથમ ફેઝમાં 114 રહેણાંક બાંધકામો અને 56 કોમર્શિયલ પ્રકારનાં બાંધકામોનો સમાવેશ થતો હતો. કોમર્શિયલ પ્રકારનાં બાંધકામો અગાઉ દૂર કરવામાં આવ્યાં છે. તેમણે વધુમાં જણાવ્યું કે, 114 રહેણાંક બાંધકામોમાંથી ગઈકાલે 70 બાંધકામો વૈકલ્પિક વ્યવસ્થા કર્યા બાદ દૂર કરવામાં આવ્યાં હતાં. આજે બાકી રહેલાં મકાનો અને હયાત સ્ટ્રક્ચર દૂર કરવાની કામગીરી હાથ ધરવામાં આવી રહી છે.

આ પણ વાંચો : અમદાવાદના ધોળકામાં VTV NEWSના અહેવાલ બાદ તંત્ર એક્શનમાં, રખડતા પશુઓને પકડવા બે વખત વિશેષ ડ્રાઈવ

સાબરમતી ટોલનાકાથી નરેન્દ્ર મોદી સ્ટેડિયમ સુધીના માર્ગને પહોળો કરવાની કામગીરીમાં AMC દ્વારા કાર્યવાહી તેજ કરવામાં આવી છે. પોલીસ બંદોબસ્ત વચ્ચે ચાલી રહેલી આ કામગીરીથી માર્ગ પરનાં દબાણો દૂર કરીને રસ્તાને પહોળો બનાવવાનો હેતુ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ