- દમણગંગા નદી પર આવેલા દૂધની જળાશયની કુદરતનો ખોળો પણ હાડમારી અપાર
- માત્ર કહેવા ખાતર ચાલતી બોટસર્વિસ
- લોકાર્પણ થશે પછી હાડમારીનો આવશે અંત
વલસાડ જિલ્લામાં દમણગંગા નદી પર આવેલા દૂધની જળાશયની આજુબાજુના ગામડાઓના લોકો હાડમારી ભોગવી રહ્યા છે. દૂધની જળાશયની એક બાજુ કૌંચા ગામ આવેલું છે અને બીજી તરફ દૂધની ગામ આવેલું છે. કૌંચા તરફના દસથી પંદર ગામો અને દૂધની તરફના એટલા જ ગામોને અરસ પરસ સંપર્ક માટે, દરરોજ આ બોટમાં આવી રીતે જ આવવુ જવું પડે છે. સરકાર દ્વારા બોટની સુવિધા તો આપવામાં આવી છે પરંતુ બોટની ફ્રીક્વન્સિ ઓછી હોવાના કારણે લોકોએ સામે પાર જવા માટે કલાકો સુધી રાહ જોવી પડે છે અને જ્યારે બોટ આવે ત્યારે આ રીતે ખીચોખીચ સવાર થઈને મુસાફરી માટે મજબૂર થવું પડે છે. આ વિસ્તારના સ્કૂલે જતાં વિદ્યાર્થીઓ હોય કે ગૃહિણીઓ હોય કે પછી વેપારીઓ હોય દરેક લોકો માટે આ રોજિંદી હાડમારી છે.
આઝાદીના 75 વર્ષ બાદ પહોંચેલો પ્રથમ વિકાસ
હવે દૂધની જળાશયની આજુબાજુના સ્થાનિક લોકોની હાડમારીનો અંત નજીકમાં આવી જશે તેવો લાગી રહ્યું છે. કેમ કે, કપરાડા અને દૂધની વચ્ચે દમણગંગા નદી પર બ્રિજનું કામ પૂર્ણતાને આરે છે. પરંતુ દમણગંગા નદી આસપાસના આદિવાસી વિસ્તારમાં આઝાદીના 75 વર્ષ બાદ પહોંચેલો પ્રથમ વિકાસ છે. કેન્દ્ર સરકાર બનાવાઈ રહેલા આ બ્રિજનું કામકાજ અંતિમ તબક્કામાં છે, આ બ્રિજ માટે રૂપિયા 72 કરોડનો ખર્ચ કરાયો છે. બ્રિજની લંબાઈ 900 મીટર છે અનેપહોળાઈ 7.5 મીટર છે.એપ્રોચ રોડ સાથે આ બ્રિજની લંબાઈ 1.5 કિલો મીટર છે. બ્રિજની બન્ને તરફ 2 મીટરની ફૂટપાથ છે.
70 કિમીં ઘેરાવો કાપવામાંથી છૂટકારો મળશે.
મધુબન ડેમના કેચમેન્ટ વિસ્તારમાં આ વધારાના બ્રિજની ઘણા સમયથી જરૂરિયાત હતી. કેમકે દાદરાનગર હવેલી અને કપરાડા વિસ્તારના અનેક ગામોના લોકો વર્ષોથી બાકીના વિસ્તારો સાથે રોટી અને સામાજિક સંપર્ક માટે મુશ્કેલી વેઠી રહ્યા હતા.જ્યારે આ બ્રિજ લોકો માટે ખુલ્લો મૂકાશે, ત્યારે કપરાડા અને દૂધની વિસ્તારના લોકોને રોડ માર્ગ પરનો 70 કિમીં ઘેરાવો કાપવામાંથી છૂટકારો મળશે. સાથે જ બોટમાં હકડેઠઠ બેસી સવારી કરવાના જોખમ વહોરવાથી પણ મુક્તિ મળશે.આમ, આઝાદીના 75 વર્ષ બાદ દમણગંગા નદી પર દૂધની અને કૌંચા ગામ વચ્ચે જે બ્રિજ ખુલ્લો મૂકાવાની તૈયારી થઈ રહી છે,
