મનોરંજન / બોલિવુડ એક્ટ્રેસ કાજોલની માતા તનુજાની તબિયત લથડી, ICUમાં દાખલ, જાણો હેલ્થ અપડેટ

• એક્ટ્રેસ તનૂજાની તબીયત બગડી 
• હોસ્પિટલમાં ICUમાં દાખલ 
• તબિયતને લઈને ફેંસ અને શુભચિંતક ચિંતામાં 

બોલિવુડની ફેમસ એક્ટ્રેસ તનૂજાની તબિયત બગડી ગઈ છે. ખબરો અનુસાર તેમને જુહૂના હોસ્પિટલના આઈસીયુમાં રાખવામાં આવ્યા છે. ડોક્ટરની દેખરેખ હેઠળ 80 વર્ષીય એક્ટ્રેસની સારવાર ચાલી રહી છે. 

તનૂજાની તબીયત સારી ન હોવાના કારણે રવિવારે સાંજે તેમને એડમિટ કરવામાં આવ્યા હતા. તનૂજાને હોસ્પિટલમાં દાખલ કરવાની ખબર સામે આવ્યા બાદથી બોલિવુડમાં બધા પરિચિત અને મિત્રો પરેશાન છે.

એક્ટ્રેસ ICUમાં એડમિટ 
તનૂજાને જુહૂ હોસ્પિટલમાં ડોક્ટર્સની દેખરેખમાં આઈસીયુમાં એડમિટ કરવામાં આવ્યા છે. રિપોર્ટ અનુસાર રવિવારે સાંજે તેમને ઉંમર સાથે જોડાયેલી અમુક મુશ્કેલીઓના કારણે એડમિટ કરાવવામાં આવ્યા છે. 

તનૂજાની હાલત સ્થિર જણાવવામાં આવી રહી છે અને ડોક્ટર્સના જણાવ્યા અનુસાર ગભરાવવાની કોઈ વાત નથી. કાજોલ, તનિષા, અજય દેવગણ એક્ટ્રેસની ટ્રીટમેન્ટ પર નજર રાખી રહ્યા છે.