IPL 2020 / મોટા ન્યૂઝ : ધોની સહિત આખી ચેન્નઈ સુપરકિંગ્સ ટીમનો થયો કોરોના ટેસ્ટ અને હવે...

• IPL માટે આવ્યા મોટા રાહતના સમાચાર 
• CSKના કોરોના પરીક્ષણમાં તમામના રિપોર્ટ નેગેટીવ 
• આ અગાઉ 13 સભ્યોનો રિપોર્ટ આવ્યો હતો પોઝીટીવ

CSK કેમ્પમાંથી મોટા સમાચાર હવે બહાર આવ્યા છે, જે IPL 2020ની તૈયારીઓ માટે બહુ ખાસ છે.  CSKના તમામ ખેલાડીઓ, સપોર્ટ સ્ટાફના સભ્યો હાલમાં નવા કરાયેલા કોરોના ટેસ્ટમાં નેગેટિવ જોવા મળ્યા છે. નોંધનીય છે કે ચેન્નાઈ ટીમના 13 સભ્યો આ પહેલા કોરોનાથી સંક્રમિત થયાના અહેવાલ હતાં. 

ટીમનો કવોરન્ટીન પિરિયડ પણ વધારાયો હતો 

જેના લીધે ટીમનો કવોરન્ટીન પિરિયડ પણ વધારવામાં આવ્યો હતો.જો કે, સોમવારે નવા કોરોના ટેસ્ટીંગમાં, તમામ પોઝીટિવ સભ્યોના રીપોર્ટ નેગેટીવ આવ્યા હોવાનું જાણવા મળ્યું છે. મતલબ કે દિપક ચહર અને ઋતુરાજ ગાયકવાડ પણ કોરોનાથી હવે સ્વસ્થ થઈ ચૂક્યા છે. 

ફરીથી થશે કોરોના ટેસ્ટીંગ 

CSK ના તમામ સભ્યો કોરોના ટેસ્ટમાં નેગેટીવ હોવાનું જણાયું છે, પરંતુ ટીમ માટે પ્રેક્ટિસ કરવાનો રસ્તો હજુ ક્લીયર થઈ શક્યો નથી. હકીકતમાં, ગુરુવારે CSK ની આખી ટીમમાં ફરી એકવાર કોરોના ટેસ્ટ થશે અને તે પછી જ તેમને પ્રેક્ટિસ કરવાની છૂટ આપવામાં આવશે. 

જો બીજા સ્ટાફ મેમ્બર્સમાં પણ બધા લોકો નેગેટીવ હોવાનું જણાય તો ધોની એન્ડ કંપની 5 સપ્ટેમ્બરથી પ્રેક્ટિસ માટે ઉતરી શકશે.

ચેન્નઈના બે મેચ વિનર દુબઈ પહોંચ્યા હતા

ઉલ્લેખનીય છે કે દક્ષિણ આફ્રિકાના ક્રિકેટર ફાફ ડુપ્લેસી, લુંગી એનગિડી અને કાગિસો રબાડા 19 સપ્ટેમ્બરથી શરૂ થનારી ઈન્ડિયન પ્રીમિયર લીગ (IPL) માટે મંગળવારે UAE પહોંચ્યા હતા. દક્ષિણ આફ્રિકાના પૂર્વ કેપ્ટન ડુપ્લેસિસ અને ઝડપી બોલર એનગિડી CSK માં છે જ્યારે રબાડા દિલ્હી કેપિટલ્સ ટીમ સાથે સંકળાયેલા છે. આ બંને ફ્રેન્ચાઇઝીએ તેમના સત્તાવાર ટ્વિટર હેન્ડલ પર ત્રણેય ખેલાડીઓની તસવીરો શેર કરી છે. 

આ ત્રણેય ખેલાડીઓએ છ દિવસ અલગ રહેવું પડશે. તેમના પ્રથમ, ત્રીજા અને છઠ્ઠા દિવસે ટ્રાયલ્સ કરવામાં આવશે અને તે ત્રણેયમાં નેગેટીવ હોય ત્યારે તે પ્રેક્ટિસ શરૂ કરી શકે છે. ભારતના તમામ ખેલાડીઓ પહેલાથી જ UAE પહોંચ્યા હતા અને તેઓએ છ દિવસની જુદી જુદી અવધિ પણ પૂર્ણ કરી લીધી છે, જે BCCI ની પ્રમાણભૂત ઓપરેટિંગ પ્રક્રિયાનો એક ભાગ છે