ક્રાઈમ / ભાવનગર નકલી દારૂકાંડ : કુલ 40 આરોપીઓની ધરપકડ, મિથેનોલને થિનર તરીકે દર્શાવી ખોટા બિલ બનાવાયા

ભાવનગર નકલી દારૂકાંડની તપાસ કરી રહેલી SMCએ પહેલી સત્તાવાર પ્રેસ નોટ બહાર પાડીને માહિતી આપી હતી. SMCએ કહ્યું તપાસમાં અત્યાર સુધી કુલ 40 આરોપીઓની ધરપકડ કરાઈ છે. 38 આરોપીઓ જ્યુડિશિયલ કસ્ટડીમાં, જ્યારે 1 આરોપી પોલીસ રિમાન્ડ પર છે. ઼

મનજીતસિંઘ સૈનીની ધરપકડ

દિલ્હીથી મિથેનોલ મંગાવવાના કેસમાં મનજીતસિંઘ સૈનીની ધરપકડ કરવામાં આવી છે. મનજીતસિંઘ સૈનીના 10 સપ્ટેમ્બર સુધીના પોલીસ રિમાન્ડ મંજૂર કરાયા છે.

મિથેનોલને થિનર તરીકે દર્શાવી ખોટા બિલ બનાવાયા

તપાસમાં એવું પણ સામે આવ્યું છે કે મિથેનોલને થિનર તરીકે દર્શાવી ખોટા બિલ બનાવાયા હતા. ઉલ્લેખનીય છે કે 17 દિવસ બાદ SMC દ્વારા પ્રથમ વખત સત્તાવાર પ્રેસ નોટ જાહેર કરવામાં આવી છે.

વધુ વાંચો : VIDEO : માલિકે નવી નક્કોર સ્કોર્પિયો કારને ક્રેનથી ધાબા પર ચડાવી દીધી, કારણ જાણીને સલામ કરશો

નકલી દારૂકાંડમાં મૃત્યુઆંક 13 પર પહોંચ્યો

ભાવનગર જિલ્લામાં સર્જાયેલા નકલી દારૂકાંડ (લઠ્ઠાકાંડ)માં મૃત્યુઆંક 13 પર પહોંચ્યો હતો. જાણીતી વિદેશી બ્રાન્ડ (Royal Stag) ના નામે કેમિકલયુક્ત ઝેરી નકલી દારૂ બનાવીને વેચવાના આ રેકેટમાં મિથેનોલ નામના અત્યંત ઝેરી કેમિકલનો ઉપયોગ કરવામાં આવ્યો હતો. આ ઘટનામાં 6૦થી વધુ લોકો અસરગ્રસ્ત થયા હતા અને ઘણા લાંબા સમય સુધી હોસ્પિટલમાં સારવાર હેઠળ રહ્યા હતા.

‎ બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ