VIDEO / અમદાવાદમાં રોંગ સાઇડ વાહન ચલાવતા ચેતજો નહીંતર ટાયર ફાટવાનું પાક્કું, AMCએ વિદેશોની જેમ વાપરી ગજબની ટેકનિક

• અમદાવાદમાં રોંગ સાઇડ વાહન ચલાવતા ચેતજો 
• શહેરના રોડ પર લાગ્યા ટાયર કિલર બમ્પ 
• અકસ્માત ટાળવા AMCનો નવતર પ્રયોગ

 પોલીસ દ્વારા સમગ્ર રાજ્યમાં એક મહિનો સ્પેશ્યલ ટ્રાફિક ડ્રાઈવનું આયોજન કરવામાં આવ્યું છે. જેમાં ટ્રાફિકનાં નિયમોનો ભંગ કરનાર સામે ટ્રાફિક પોલીસ દ્વારા દંડ ફટકાર્યો હતો. ત્યારે હવે  કેટલાક વાહન ચાલકો રોંગ સાઈડમાં વાહન ચલાવતા હોય છે. જેથી અકસ્માત સર્જાવાનો ભય રહેલો છે.જેનાં માટે પોલીસ દ્વારા નવો રસ્તો શોધી કાઢ્યો છે. પોલીસ દ્વારા શહેરમાં રોંગ સાઈડે આવતા લોકો માટે હવે માર્ગ પર ટાયર કિલર બમ્પ લગાવ્યા છે. જેનાથી રોંગ સાઈડમાં જતા વાહનોનાં ટાપર પંચર કરશે. અકસ્માત ટાળવા AMC દ્વારા નવતર પ્રયોગ હાથ ધરાયો છે. 

અમદાવાદ મ્યુનિસિપલ કોર્પોરેશન (AMC)ના ટ્રાફિક પ્રોજેક્ટ વિભાગે પ્રાયોગિક ધોરણે ચાણક્યપુરી બ્રિજના સર્વિસ રોડ પર વન-વે ટ્રાફિક સ્પાઇક સ્પીડ બમ્પ (ટાયર કિલર બમ્પ) સ્થાપિત કર્યો છે. તાજેતરમાં જ ગુજરાત હાઈકોર્ટમાં સુનાવણી દરમિયાન, ન્યાયાધીશે આવા બમ્પ ઉભા કરવાનું સૂચન કર્યું હતું જેથી ખોટી બાજુથી ડ્રાઇવિંગને નિયંત્રિત કરી શકાય. ન્યાયાધીશે અન્ય શહેરોના ઉદાહરણો આપ્યા હતા. જ્યાં ટ્રાફિક શિસ્ત લાગુ કરવા માટે આવા પગલાં લેવામાં આવે છે. તે નોંધવું યોગ્ય છે કે ટાયર કિલર બમ્પ્સની ઉપર સ્પાઇક્સ જોડાયેલ હોય છે જે ઇચ્છિત દિશામાંથી તેની નજીક આવતા વાહનના ટાયરને પંચર કરી શકે છે.