બ્રેકિંગ ન્યુઝ
VTV / ગુજરાત / અન્ય જિલ્લા / બેટ દ્વારકામાં ડિમોલિશનની કાર્યવાહી પર વિવાદીત પોસ્ટ, જીલ્લા SPએ આપ્યા તપાસના આદેશ
Last Updated: 11:47 PM, 12 January 2025
દ્વારકામાં સતત બીજા દિવસે પણ ડિમોલિશન યથાવત છે. બાલાપર વિસ્તારમાં કામગીરી પૂર જોશમાં ચાલી રહી છે. ત્યારે ડિમોલિશનને લઈને સરકાર વિરૂદ્ધ એક્સ પર વિવાદીત પોસ્ટ કરાઈ છે. ગૃહ રાજ્યમંત્રીને ટેગ કરીને પોસ્ટ કરવામાં આવી છે. ત્યારે આ વિવાદીત પોસ્ટને લઈ જિલ્લા પોલીસ વડાએ તપાસના આદેશ આપ્યા છે.
ADVERTISEMENT
ADVERTISEMENT
SPએ તપાસના આદેશ આપ્યા
જે વિવાદીત પોસ્ટમાં તંત્ર સામે કેટલાક આક્ષેપ કરવામાં આવ્યા છે. સાથો સાથ તેમની આપવીતી વર્ણવી હોય તેવું પોસ્ટમાં લખાણ લખ્યું છે. ત્યારે આ મામલે SPએ તપાસના આદેશ આપ્યા છે. આ પોસ્ટ @mars_361 ના એક્સ અકાઉન્ટ ઉપર કરવામાં આવી છે. અત્રે જણાવી દઈએ કે, 2 દિવસથી બેટદ્વારકાના બાલાપરમાં ડિમોલિશન ચાલી રહ્યું છે. જેમાં લગભગ 80 જેટલા ગેરકાયદેસર બાંધકામ તોડી પાડવામાં આવ્યા છે.
આ પણ વાંચો: સુરતથી પ્રયાગરાજ મહાકુંભ જતી ટ્રેન પર પથ્થરમારો, મુસાફરોમાં ભયનો માહોલ, જુઓ વીડિયો
9.5 કરોડની જમીન પરના દબાણ દૂર કરાયા
બેટ દ્વારકામાં બીજ દિવસે પણ બાલાપર વિસ્તારમાં ડિમોલિશન યથાવત જોવા મળી રહ્યું છે. નોંધનીય છે કે, અંદાજે 250 જેટલા આસામીઓને નોટિસો આપવામાં આવી છે તો આ તરફ અત્યાર સુધી 80 થી વધુ બાંધકામો તોડવામાં આવ્યા છે. વિગતો મુજબ હજુ પણ આગામી બે દિવસ ડિમોલિશન યથાવત રહેશે. તંત્ર દ્વારા અંદાજે 9.5 કરોડની કિંમતની સરકારી જમીન પરના દબાણો દૂર કર્યા છે. અત્યાર સુધી 16500 સ્કેવર મીટર જમીન પર દબાણ દૂર કરવામાં આવ્યું છે. જેમાં સરકારી જમીન પરના દબાણો દૂર કરવાની આ કાર્યવાહી દરમિયાન 1 SP, 3 DySp અને 1000 જેટલા પોલીસ અને SRP જવાનો બંદોબસ્તમાં છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.