ટેક્નોલોજી / વારંવાર મોબાઇલની બેટરી લૉ થઇ જાય છે! તો આજથી જ ફોનમાં બદલી નાખો આ 5 સેટિંગ

• ફોનની બેટરી ઓછી હોય તો ફોન બંધ થઈ જવાનું ટેન્શન
• ઘણા ફોનમાં બેટરી ઝડપથી ઓછી થઈ જાય છે
• આ ટિપ્સ ફોલો કરવાથી બેટરી લાંબો સમય સુધી ચાલે છે

ફોનની બેટરી ઓછી હોય તો ફોન બંધ થઈ જવાનું ટેન્શન રહે છે. જેના કારણે તમામ કામ અટકી જાય છે. બેન્કનું કામ, ઓફિસનું કામ, ફૂડ ઓર્ડર, ગેસ બુકિંગ તથા મોટાભાગના કામ ફોન પર જ થઈ જાય છે. જો કોઈ ઈમરજન્સી હોય તો પણ ફોન વગર કામ થતું નથી. જેથી ફોનની બેટરી ચાર્જ રહે તે જરૂરી છે. ઘણા લોકોના ફોનની બેટરી ઝડપથી ઓછી થઈ જાય છે. અહીંયા અમે તમને કેટલીક એવી જાણકારી આપી રહ્યા છીએ, જેથી ફોનની બેટરી લાંબો સમય સુધી ચાલે છે. જો તમારે ફોનની બેટરી બચાવવી હોય તો તમારે ફોનમાં કેટલાક સેટિંગ્સ ચેન્જ કરવાના રહેશે. 

સ્ક્રીન ટાઈમ- સ્ક્રીન ટાઈમ હંમેશા ઓછો જ રાખવો. ફોનનો ઉપયોગ નથી કરી રહ્યા તો ફોનનો યૂઝ કર્યા પછી બંધ કરવામાં ના આવે તો ફોન ચાલુ રહે છે અને ફોનની બેટરી ઓછી તી જાય છે. આ કારણોસર સ્ક્રીન ટાઈમ 15-30 સેકન્ડ જ રાખવો. 15 સેકન્ડ પછી ઈનએક્ટીવ રહેવાથી સ્ક્રીન આપમેળે બંધ થઈ જશે અને ફોન લોક થઈ જશે. 

સ્ક્રીન બ્રાઈટનેસ- સ્ક્રીનની બ્રાઈટનેસ વધુ હોય તો બેટરી ઝડપથી ઉતરી જાય છે. આ કારણોસર ફોનની બેટરી વધુ ન રાખવી. તમે ઓટોમેટીક બ્રાઈટનેસ પણ સેટ કરી શકો છો. જેથી બ્રાઈટનેસ જરૂર અનુસાર ઓટોમેટીક સેટ થઈ જશે. 

કિબોર્ડ સાઉન્ડ- કિબોર્ડ ટેપ સાઉન્ડ ઓન રાખવાથી ટાઈપિંગ કરતા સમયે વાઈબ્રેશન થાય છે. કિબોર્ડ સાઉન્ડ અને વાઈબ્રેશનના કારણે બેટરીનો વધુ વપરાશ થાય છે. 

એપ મેનેજમેન્ટ- ફોનના સેટિંગમાં જઈને ચેક કરવું કે, કઈ એપ્લિકેશનથી સૌથી વધુ બેટરીનો વપરાશ થઈ રહ્યો છે. તમે બેટરી વપરાશ અનુસાર એપ્સ રિસ્ટ્રિક્ટ કરી શકો છો અને સ્ટોપ કરી શકો છો.

વધુ વાંચો: UPIથી કરો છો ઓનલાઇન લેવડદેવડ? તો પહેલા આટલું જાણી લેજો, નહીં તો છેતરાઇ જશો

ડાર્ક થીમ- ફોનમાં ડાર્ક થીમનો ઓપ્શન આપવામાં આવે છે. તમારા ફોનમાં આ ઓપ્શન હોય તો આ ઓપ્શન ઓન કરી દેવો. જેથી બેટરીનો વધુ સમય સુધી વપરાશ થઈ શકે છે.