ઓટો / દિવાળીમાં ખરીદો જોરદાર માઈલેજ અને ઓછાં મેન્ટેનન્સ ખર્ચવાળી આ 4 બાઈક્સ, 60,000ની અંદર આવી જશે

• 60 હજાર રૂપિયાની અંદર આ છે બેસ્ટ બાઇક્સ
• શાનદાર માઇલેજ, મેન્ટેનન્સ ખર્ચ પણ ઓછો

Bajaj CT 100

આ બાઈક બે વેરિઅન્ટમાં મળે છે. કિંમતની વાત કરીએ તો CT100 KS ALLOY વર્ઝનની કિંમત 43,994 રૂપિયા છે. જ્યારે CT100 ES ALLOYની કિંમત 51,674 રૂપિયા છે. એન્ટ્રી લેવલ સેગમેન્ટમાં આ સારી બાઈક તરીકે ઓળખાય છે. બાઇકનું એન્જિન 4 સ્પીડ ગિયરબોક્સથી લેસ છે. બાઇકની ડિઝાઇન સિમ્પલ છે. તેની સીટ સોફ્ટ અને લાંબી છે. તેથી લાંબા અંતરની મુસાફરી માટે ઉપયોગ કરી શકાય છે.

Hero HF Deluxe

હીરો મોટોકોર્પની HF Deluxe પાંચ વેરિઅન્ટ્સમાં ઉપલબ્ધ છે. તેની કિંમત 49 હજાર રૂપિયાથી શરૂ થાય છે. તેમાં BS6 97.2 ccનું એન્જિન લાગેલું છે. 8000 rpm  પર 7.94 bhpનો પાવર ટોર્ક જનરેટ કરે છે. આ એન્જિન 4 સ્પીડ ગિયરબોક્સથી લેસ છે.

TVS Radeon

આ બાઇકને ખાસ કરીને નાના શહેરો અને ગામડાને ધ્યાનમાં રાખીને બનાવામાં આવી છે.બાઇકની કિંમત 58 હજાર રૂપિયાથી લઈ 65 હજાર રૂપિયા વચ્ચે છે. તેની સીટ સોફ્ટ અને આરામદાયક છે. આ કારણે બાઇક પર લાંબા અંતરની મુસાફરી કરવામાં કોઈ મુશ્કેલી થતી નથી. એન્જિનની વાત કરીએ તો બાઇકમાં 109.7 સીસીનું ડ્યૂરા-લાઇફ એન્જિન આપવામાં આવ્યું છે. જે 9.5 બીએચપીનો પાવર અને 8.7 એનએમનો ટોર્ક જનરેટ કરે છે.

Hero Splendor Plus

હીરોની સ્પલેન્ડર સીરિઝ વર્ષોથી લોકોની ફેવરિટ રહી છે. જો તમારું બજેટ 60 હજાર આસપાસ છે તો તેમાં થોડો વધારો કરીને આ બાઇક ખરીદી શકો છો. માર્કેટમાં આ બાઇક ત્રણ વેરિઅન્ટમાં ઉપલબ્ધ છે. આ બાઇકના કિક સ્ટાર્ટ વેરિયન્ટની કિંમત 60,500 રૂપિયા, સેલ્ફ સ્ટાર્ટ વેરિયન્ટની કિંમત 62,800 રૂપિયા અને સ્પ્લેન્ડર પ્લસ સેલ્ફ સ્ટાર્ટ i3S વેરિઅન્ટનો ભાવ 64,010 રૂપિયા છે.