- વોરેન બફેટે આપી રોકાણ કરવા માટેની સલાહ
- વોરેન બફેટ એક દિગ્ગજ રોકાણકાર
- રોકાણ માટેની આ ટિપ્સ ફોલો કરવાથી નુકસાન નહીં થાય
વોરેન બફેટ એક દિગ્ગજ રોકાણકાર છે. શેરબજારમાં પૈસાની કમાણી કરવા અને નુકસાનથી બચવા માટે રોકાણકારોને સલાહ આપતા રહે છે. વોરેન બફેટે ઈક્વિટી માર્કેટમાં બહોળા અનુભવના આધાર પર રોકાણકારોમે મંદીથી બચવા માટે અનેક મંત્ર આપ્યા છે. જો તમે પણ આ 5 રોકાણની સલાહ માની લેશો તો ક્યારેય પણ નુકસાન નહીં થાય.
લાંબા ગાળા માટે રોકાણ કરો- વોરેન બફેટ જણાવે છે કે, રોકાણકારોએ લાંબા ગાળાના રોકાણ પર ધ્યાન આપવું જોઈએ. ટૂંકા ગાળા માટે રોકાણ ના કરવું જોઈએ. શેરબજાર સમય સાથે આગળ વધે છે, લાંબા ગાળાના રોકાણકારને વધુ ફાયદો થાય છે.
અસ્થિરતાથી ડરવું નહીં- વોરેન બફેટ અનુસાર જે રોકાણકાર શેરબજારની અસ્થિરતા પર વધુ પ્રતિક્રિયા આપે છે, તેમને નુકસાન થાય છે. શેરબજારમાં ઉથલ પાથલ થતા રોકાણકાર ઉતાવળમાં નિર્ણય લે છે, આ પ્રકારે ના કરવું જોઈએ. માર્કેટ વોલેટિલિટીથી ડરવું નહીં, શાંત રહીને લાંબા ગાળાના ટાર્ગેટ પર ધ્યાન આપો.
શેરનો રેટ નહીં કંપનીના ફંડામેંટલ અનુસાર રોકાણ કરો- મજબૂત ફંડામેન્ટલવાળી કંપનીઓમાં રોકાણ કરવાથી ક્યારેય પણ પૈસા ડૂબતા નથી. આ કારણોસર મજબૂત ફંડામેન્ટલ ધરાવતી કંપનીઓમાં લાંબા ગાળા માટે રોકાણ કરવું. જે કંપનીઓની બેલેન્સ શીટ સારી હોય, સ્થિર આવક તે કંપની મજબૂત ફંડામેન્ટલ ધરાવે છે, તેવું કહી શકાય.
ડાયવર્સિફાઈ પોર્ટફોલિયો- વોરેન બફેટ અનુસાર તમામ મૂડીનું એક જ જગ્યાએ રોકાણ ના કરવું જોઈએ. અલગ અલગ એસેટ ક્લાસમાં રોકાણ કરવાથી જોખમ ઓછું રહે છે. એક જ એસેટ ક્લાસમાં રિટર્નની ગેરંટી મળતી નથી અને જોખમ પણ વધી જાય છે.
પ્રોડક્ટિવ એસેટ્સમાં રોકાણ- વોરેન બફેટ જણાવે છે કે, રિઅલ એસ્ટેટ અને કૃષિ ભૂમિમાં રોકાણ કરવું જોઈએ. જે કેશફ્લો જનરેટ કરે છે. પ્રોડક્ટિવ એસેટ્સમાં રોકાણ કરવાથી આવકનો સ્થિર અને વિશ્વાસપાત્ર સ્ત્રોત ઉત્પન્ન થાય છે, જે બજારના પર્ફોર્મન્સ પર આધાર રાખતું નથી.
