તમારા કામનું / બેંક ઓફ બરોડામાં વેકેન્સી! 4000 જગ્યાઓ માટે ભરતી બહાર પડાઇ, ફટાફટ એપ્લાય કરી દેજો

ગ્રેજ્યુએટ થયેલા ઉમેદવારો જે નોકરીની તલાશમાં છે તેમના માટે સારા સમાચાર છે. બેંક ઓફ બરોડા એ એપ્રેન્ટિસ પોસ્ટ્સ પર ભરતી માટે અરજીઓ મંગાવી છે. અરજી પ્રક્રિયા 19 માર્ચથી શરૂ થશે. રસ ધરાવતા ઉમેદવારો 11 માર્ચ 2025 સુધી બેંકની સત્તાવાર વેબસાઇટ bankofbaroda.in પર જઈને આ જગ્યાઓ માટે અરજી કરી શકે છે. બેંકે કુલ 4000 એપ્રેન્ટિસ પોસ્ટ્સ પર ભરતી માટે અરજીઓ મંગાવી છે.

દેશના વિવિધ રાજ્યોમાં એપ્રેન્ટિસની આ જગ્યાઓ ભરવામાં આવશે. પસંદ કરાયેલા ઉમેદવારને દર મહિને15000 થી 20000 રૂપિયા સુધીનું સ્ટાઇપેન્ડ મળશે. ચાલો જાણીએ કે આ જગ્યાઓ માટે કેટલી ઉંમરના સ્નાતક ઉમેદવારો અરજી કરી શકે છે અને પસંદગી કેવી રીતે કરવામાં આવશે.

કોણ અરજી કરી શકે છે?

બેંક ઓફ બરોડામાં એપ્રેન્ટિસ પોસ્ટ માટે અરજી કરનારા ઉમેદવારો પાસે કોઈપણ સ્ટ્રીમમાં માન્યતા પ્રાપ્ત યુનિવર્સિટીમાંથી ગ્રેજ્યુએશન ડિગ્રી હોવી જોઈએ. ઉપરાંત ઉમેદવારને સ્થાનિક ભાષાનું જ્ઞાન હોવું જોઈએ. અરજદારની ઉંમર 20 વર્ષથી 28 વર્ષની વચ્ચે હોવી જોઈએ. અનામત શ્રેણીના ઉમેદવારોને મહત્તમ વય મર્યાદામાં પણ છૂટછાટ આપવામાં આવી છે.

અરજી ફી કેટલી?

જનરલ અને ઓબીસી કેટેગરીના અરજદારોએ અરજી ફી તરીકે 800 રૂપિયા ચૂકવવાના રહેશે. અરજી ફી SC અને ST શ્રેણી માટે 600 રૂપિયા અને વિકલાંગ અરજદારો માટે 400 રૂપિયા નક્કી કરવામાં આવી છે. તમામ શ્રેણીના અરજદારોએ GST ચાર્જ પણ ચૂકવવા પડશે.

અરજી આ રીતે કરો

• બેંક ઓફ બરોડાની ઓફિશિયલ વેબસાઇટ bankofbaroda.in પર જાઓ
• હોમ પેજ પર આપેલ 'career' ટેબ પર ક્લિક કરો.
• હવે 'Current Opportunities'ટેબ પર ક્લિક કરો.
• એપ્રેન્ટિસ અરજી માટેની લિંક પર ક્લિક કરો.
• રજીસ્ટ્રેશન કરો અને ફોર્મ ભરો.
• જરૂરી ડોક્યુમેન્ટ્સ અપલોડ કરો, ફી ચૂકવો અને સબમિટ કરો

વધુ વાંચો: હવેથી UPI ચલાવવા પણ રૂપિયા આપવાના! આ કંપનીએ ગ્રાહક પાસેથી વસૂલ્યો આટલો ચાર્જ

પસંદગી કેવી રીતે થશે?

એપ્રેન્ટિસ પદ માટે અરજદારોની પસંદગી CBT પરીક્ષા, ભાષા કસોટી, તબીબી કસોટી અને ડોક્યુમેન્ટ ચકાસણી દ્વારા કરવામાં આવશે. પરીક્ષામાં સામાન્ય અને નાણાકીય જાગૃતિ, હિન્દી/અંગ્રેજી ભાષા પર પ્રભુત્વ, તર્ક ક્ષમતા, કમ્પ્યુટર જ્ઞાન અને સામાન્ય અંગ્રેજી સંબંધિત પ્રશ્નો પૂછવામાં આવશે. વધુ વિગતો માટે ઉમેદવારો બેંક દ્વારા આપવામાં આવેલ સૂચના અધિકારીત વેબસાઇટ પરથી મેળવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ