નિર્ણય / હવેથી આ દેશની સેના નહીં યુઝ કરી શકે iPhone, iPad પર પણ મૂકાયો પ્રતિબંધ, જાણો કેમ

• રશિયાની એપલ પર મોટી કાર્યવાહી કરવામાં આવી છે
• રશિયન સેનાએ એપલના ઉપયોગ પર પ્રતિબંધ મૂક્યો
• સેનાના જવાનો એપલના આઈફોનનો ઉપયોગ નહીં કરે

રશિયન સેનાએ એપલના ઉપયોગ પર પ્રતિબંધ મૂક્યો છે. આ આદેશ બાદ રશિયન સેનાના જવાનો એપલના આઈફોન અને આઈપેડનો ઉપયોગ નહીં કરે. એક સ્થાનિક ન્યૂઝ એજન્સીએ શુક્રવારે મંત્રી મકસુત શાદેવને ટાંકીને આ માહિતી આપી હતી. રિપોર્ટમાં કહેવામાં આવ્યું છે કે રશિયાના ડિજિટલ ડેવલપમેન્ટ મંત્રાલયે કામ પરના કર્મચારીઓ માટે Apple iPhones અને iPads પર પ્રતિબંધ મૂક્યો છે.

એપલ ઉપરાંત રશિયાએ ગૂગલ, મેટાના ફેસબુક અને વિકિમીડિયા પર પણ કન્ટેન્ટ પર દંડ ફટકાર્યો 

આર્મી હવે એપલના iPhones અને ટેબનો ઉપયોગ કામ અથવા કામ સંબંધિત ઈ-મેઈલ માટે કરી શકશે નહીં, જોકે શાદેવે કહ્યું, વ્યક્તિગત જરૂરિયાતો માટે iPhonesનો ઉપયોગ કરવાની પરવાનગી છે. એપલે આ આરોપોને નકારી કાઢ્યા છે. આ દરમિયાન એપલને રશિયન આર્મી સાથે સંબંધિત કન્ટેન્ટ ડિલીટ ન કરવા બદલ દંડ પણ ફટકારવામાં આવ્યો છે. આ સામગ્રી યુક્રેનની લશ્કરી કાર્યવાહી સાથે સંબંધિત હતી. એપલ ઉપરાંત રશિયાએ ગૂગલ, મેટાના ફેસબુક અને વિકિમીડિયા પર પણ કન્ટેન્ટ પર દંડ ફટકાર્યો છે.

યુએસ દ્વારા જાસૂસી અભિયાનના પરિણામે હજારો એપલ ઉપકરણો સાથે ચેડા કરવામાં આવ્યા 

રશિયાની મુખ્ય સ્થાનિક સુરક્ષા સેવા, એફએસબીના દાવાના બે મહિના પછી મંત્રાલયે પ્રતિબંધ જારી કર્યો હતો કે યુએસ દ્વારા જાસૂસી અભિયાનના પરિણામે હજારો એપલ ઉપકરણો સાથે ચેડા કરવામાં આવ્યા હતા. તમને યાદ અપાવી દઈએ કે આ ફેબ્રુઆરીમાં રશિયન સેના મોસ્કો આવ્યા બાદ Appleએ રશિયામાં તેના તમામ ઉત્પાદનોનું વેચાણ બંધ કરી દીધું હતું. આ સિવાય Apple Pay સેવા પણ બંધ કરી દેવામાં આવી હતી.