Shrinathji Temple / અબુધાબી બાદ હવે બહેરીનમાં ઉગ્યો સનાતનનો સૂર્ય, શ્રીનાથજી મંદિરના જીર્ણોદ્ધાર માટે અપાઇ અનુમતિ

બહેરીનમાં લગભગ 200 વર્ષ પહેલા બનેલા ભગવાન શ્રીનાથજીના મંદિરનો ટૂંક સમયમાં જ જીર્ણોદ્ધાર કરવામાં આવશે. PM મોદીની 24-25 ઓગસ્ટ, 2019ના રોજ બહેરીન મુલાકાતને કારણે સર્જાયેલા વાતાવરણને કારણે મંદિરને નવો લુક આપવાની મંજૂરી મળી છે. 

બહેરીનની રાજધાની મનામાનું મ્યુનિસિપલ વહીવટીતંત્ર મંદિરના પુનઃનિર્માણની પ્રસ્તાવના અમલીકરણમાં વ્યસ્ત છે. બહેરીન પહેલો મુસ્લિમ દેશ છે જ્યાં મૈત્રીપૂર્ણ વાતાવરણને કારણે એક સાથે બે મંદિરોનો જીર્ણોદ્ધાર અને વિસ્તરણ થવા જઈ રહ્યું છે.

તે જાણીતું છે કે 14 ફેબ્રુઆરીએ જ પીએમ મોદીએ સંયુક્ત આરબ અમીરાત (UAE)ના અબુ ધાબીમાં પ્રથમ હિન્દુ મંદિરનું ભવ્ય ઉદ્ઘાટન કર્યું હતું. અબુધાબી બાદ હવે બહેરીનમાં સનાતનનો સૂર્ય વધુ ચમકવા જઈ રહ્યો છે. શ્રીનાથજીનું મંદિર જૂનું થઈ ગયું છે અને લાંબા સમયથી મંદિરના પ્રબંધન સાથે જોડાયેલા લોકો તેના જીર્ણોદ્ધાર માટે પરવાનગી મેળવવાનો પ્રયાસ કરી રહ્યા હતા, પરંતુ સાડા ચાર વર્ષ પહેલા વડાપ્રધાનની બહેરીનની મુલાકાત દરમિયાન તેનો પાયો પડ્યો હતો. 

ભારતીય વડાપ્રધાનની આ પ્રથમ બહેરીનની મુલાકાત હતી. બહેરીનના રાષ્ટ્રપતિ શાહ હમદ બિન ઈસા અલ-ખલીફાએ પીએમ મોદીનું ભવ્ય સ્વાગત કર્યું. PM મોદીએ મનામાના શ્રીનાથ મંદિરમાં જઈને પૂજા કરી હતી. તેમણે મંદિરના જીર્ણોદ્ધાર કાર્યની રૂપરેખા જાહેર કરી અને ખાતરી આપી કે તે ચોક્કસપણે નવા સ્વરૂપમાં ફરીથી બનાવવામાં આવશે.એવામાં હવે પ્રશાસને મંદિરના જીર્ણોદ્ધારના પ્રસ્તાવને સ્વીકારી લીધો છે. એવું માનવામાં આવે છે કે થોડા મહિનામાં આ મંદિર નવા રંગ-રૂપમાં દેખાશે.  

વધુ વાંચો: દુબઈમાં રહેતા આ ભારતીય બિઝનેસમેને 900 કેદીઓને જેલમાંથી છોડાવ્યા, કરી કરોડોની મદદ

સાથે જ મનામામાં સ્વામિનારાયણ મંદિર પણ છે. મંદિર ટ્રસ્ટ સાથે સંકળાયેલા લોકો લાંબા સમયથી એવી જગ્યા શોધવાનો પ્રયાસ કરી રહ્યા હતા કે જ્યાં નવું ભવ્ય મંદિર બની શકે. રાજા અઢી એકર જમીન મફતમાં આપવા સંમત થયા. મંદિર પ્રબંધન સમિતિ નું કહેવું છે કે ભારત-બહેરીન સંબંધોમાં મિત્રતાની ભાવનાને કારણે જ મફત જમીન મળી શકી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો