- વિશ્વભરમાં ભારતના આયુર્વેદની ચર્ચા
- કેન્યાના પૂર્વ પીએમની દિકરી સાજી થઈ
- આંખોની રોશની પાછી આવી ગઈ
કોરોના સંકટ દરમિયાન ભારતને દુનિયાની ફાર્મસી કહેવામાં આવે છે. ભારતે પોતાની કોરોના વેક્સિન બનાવી અને તે પણ સૌથી વધારે પ્રભાવી વેક્સિનમાંની એક છે. ત્યારે હવે ભારતની પ્રાચીન ચિકિત્સા પદ્ધતિ આયુર્વેદની પણ ચર્ચા વિશ્વભરમાં થવા લાગી છે. હકીકતમાં જોઈએ તો, આફ્રિકી દેશ કેન્યાના પૂર્વ પીએમની દિકરી જોઈ શકતી નહોતી. કેરલમાં આયુર્વેદિક દવાઓથી તેની સારવાર કરવામા આવી અને ચમત્કાર થઈ ગયો. પૂર્વ પીએમ રૈલા ઓડિંગાની દિકરીની આંખોની રોશની પાછી આવી ગઈ. તેઓ પીએમ મોદીને મળ્યા અને ભારતની આ પ્રાચીન પદ્ધતિના ખૂબ વખાણ કર્યા. સોશિયલ મીડિયા પર પણ લોકો આયુર્વેદના ખૂબ વખાણ કરી રહ્યા છે.
આયુર્વેદનો જય જયકાર
ભારતીય આયુર્વેદ ઈલાજથી કેન્યાના પૂર્વ પ્રધાનમંત્રી રેલા ઓડિંગાની દિકરીની આંખોની રોશની પાછી આવી ગઈ. આ દાવો ખુદ કેન્યાના પૂર્વ પીએમે કર્યો છે. કેન્યાના પૂર્વ પ્રધાનમંત્રી રૈલા ઓડિંગાએ કહ્યું કે, મેં દિકરીની આંખોની સારવાર માટે કેરલના કોચ્ચિ આવ્યો હતો. 3 અઠવાડીયાની સારવાર બાદ તેની આંખોની રોશનીમાં ઘણો સુધારો આવ્યો છે. રૈલા ઓડિંગાએ કહ્યું કે, આ મારા પરિવાર માટે ખૂબ જ આશ્ચર્યની વાત છે કે, આ પ્રકારની સારવાર કર્યા બાદ તે બધું જ જોઈ શકે છે. આ કોઈ ચમત્કારથી જરાયે ઓછુ નથી.
પૂર્વ પીએમે કર્યા આયુર્વેદના વખાણ
ભારતીય આયુર્વેદિક ચિકિત્સા પદ્ધતિના વખાણ કરતા રૈલા ઓડિંગાએ કહ્યું કે, આ પરંપરાગત દવાઓના ઉપયોગથ આખરે આંખોની રોશની પાછી આવી ગઈ. તેમણે કહ્યું કે, તેનાથી અમને ખૂબ જ આત્મવિશ્વાસ મળ્યો છે. રૈલા ઓડિંગાએ કહ્યું કે, મેં આ પ્રકારના છોડને આફ્રિકામાં લાવવા અને તેનો ઉપયોગ કરવા અમારા પીએમ સાથે વાત કરી છે. વિતેલા 2 વર્ષમાં પીએમ મોદીએ દુનિયાભરમાં પોતાના સાર્વજનિક સંબોધનમાં ભારતીય આયુર્વેદ વિશે જણાવતા આવ્યા છે.
પીએમ મોદીએ કેન્યાના પૂર્વ પ્રધાનમંત્રી સાથે મુલાકાત કરી
પ્રધાનમંત્રી નરેન્દ્ર મોદીએ રવિવારે કેન્યાના પૂર્વ પ્રધાનમંત્રી રૈલા અમોલો ઓડિંગા સાથે મુલાકાત કરી અને ભારત-કેન્યા સંબંધોને વધારે મજબૂત બનાવવા માટે કટિબદ્ધ થયાં. પ્રધાનમંત્રી કાર્યાલયે એક નિવેદનમાં કહ્યું કે, પર્સનલ મુલાકાતે ભારત આવેલા ઓડિંગા સાથે મુલાકાત કરી.
