અદભૂત નજારો / VIDEO: રામ મંદિરના ગર્ભગૃહમાં આવ્યું પક્ષી, દ્રશ્ય જોઈ લોકોએ કહ્યું અયોધ્યામાં પ્રભુની અદ્ભુત લીલા

રામ મંદિરના અભિષેકને દોઢ મહિનો પણ નથી થયો અને લાખો ભક્તોએ અહીંયા દર્શન કર્યા છે. કરોડોની ઓફર આવી ચૂકી છે. રામ ભક્તો રામલલાના દર્શન કરવા આતુર છે. લોકો રામ મંદિરના દર્શન કરવા અને આરતીમાં ભાગ લેવા માટે ઓનલાઈન બુકિંગ કરી રહ્યા છે. સોશિયલ મીડિયા પર દરરોજ લોકો રામ મંદિરની આરતી અને રામલલાના દર્શન કરતા વીડિયો જોઈ રહ્યા છે. આ દરમિયાન રામ મંદિરનો એક વીડિયો સામે આવ્યો છે જે વાયરલ થઈ રહ્યો છે. આ વીડિયો રામ મંદિરના ગર્ભગૃહનો છે, જેમાં એક પક્ષી રામલલાની પ્રદક્ષિણા કરી રહ્યા છે.
 

गरूर देव द्वारा प्रभु श्री रामलला की परिक्रमा का अद्भुत दृश्य 🙏🚩 pic.twitter.com/XguyqTAn4l

— Shri Ram Janmbhoomi Mandir 🛕⛳ (@ShriRamMandirA) February 27, 2024

પક્ષી રામલલાના દર્શને પહોંચ્યું

ભગવાન રામના દર્શન કરવા માટે લોકો પહેલેથી જ અયોધ્યાના ભવ્ય રામ મંદિરના ગર્ભગૃહમાં પહોંચી રહ્યા છે, પરંતુ તાજેતરમાં એક પક્ષી પણ મંદિરના ગર્ભગૃહમાં પહોંચ્યું હતું. આ પક્ષી ગર્ભગૃહ સુધી પહોંચ્યું એટલું જ નહીં પણ રામલલાની પરિક્રમા પણ કરી. આ અદ્ભુત નજારો જોઈને ત્યાં હાજર લોકો આશ્ચર્યચકિત થઈ ગયા અને ભગવાનનો મહિમા જોઈને હાથ જોડી દીધા. આ ઘટના કેટલાક લોકોએ કેમેરામાં કેદ કરી હતી અને હવે તેને રામ મંદિર ટ્રસ્ટના સત્તાવાર હેન્ડલ પરથી 'X' પર પોસ્ટ કરવામાં આવી છે.

વધુ વાંચો : VIDEO: ગૃહમંત્રી અમિત શાહ જે કારમાં પહોંચ્યા પાર્ટી ઓફિસ, તે કારની નંબર પ્લેટ બની ચર્ચાનો વિષય

વાંદરો પ્રતિમાની નજીક પહોંચી ગયો હતો

થોડા દિવસો પહેલા રામ મંદિરમાં એક વાંદરાની સાથે વિચિત્ર ઘટના બની હતી. રામ મંદિરમાં રામલલાની આરતી પહેલા એક વાંદરો ગર્ભગૃહમાં મૂર્તિ પાસે પહોંચી ગયો હતો અને લાંબા સમય સુધી રામલલાને જોતો રહ્યો. આ પછી વાંદરો ચૂપચાપ મંદિરની બહાર નીકળી ગયો. જ્યારે સુરક્ષાકર્મીઓ અને ત્યાં હાજર લોકોને ડર હતો કે વાંદરો પ્રતિમાને કોઈ નુકસાન પહોંચાડી શકે છે, પરંતુ વાંદરાની વર્તણૂક જોઈને એવું લાગી રહ્યું હતું કે તે પણ ભગવાન રામના દર્શન કરવા આવ્યો છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો