અયોધ્યા રામમંદિર / ઘરે બેઠા જુઓ રામલલાની પ્રાણ પતિષ્ઠાના તમામ કાર્યક્રમ, આજથી શરૂ થઈ લાઈવ સ્ટ્રીમિંગ

• રામમંદિર પ્રાણ પ્રતિષ્ઠા સમારોહની શરૂઆત
• ઘરેબેઠા નિહાળો રામલલા પ્રાણ પ્રતિષ્ઠા સમારોહ
• આ ચેનલ પર લાઈવ નિહાળી શકાશે પ્રાણ પ્રતિષ્ઠા સમારોહ

અયોધ્યામાં રામમંદિર પ્રાણ પ્રતિષ્ઠા સમારોહની શરૂઆત થઈ ગઈ છે. ગર્ભગૃહમાં ભગવાન રામની મૂર્તિ સ્થાપિત કરવામાં આવી છે. અયોધ્યામાં રામમંદિર પ્રાણ પ્રતિષ્ઠા સમારોહ માટે પ્રધાનમંત્રી નરેન્દ્ર મોદી સહિત VVIP લોકોને આમંત્રણ આપવામાં આવ્યું છે. રામભક્તો ઘરેબેઠા રામલલા પ્રાણ પ્રતિષ્ઠા સમારોહને લાઈવ નિહાળી શકે છે. 

લાઈવ ટેલિકાસ્ટ
તમે ઘરેબેઠા ઓનલાઈન ફોન, લેપટોપ, ટીવી પર અયોધ્યા રામમંદિરમાં થઈ રહેલ પૂજાને લાઈવ નિહાળી શકો છો. પ્રાણ પ્રતિષ્ઠા સમારોહનું લાઈવ ટેલિકાસ્ટ કરવા માટે સંપૂર્ણ બંદોબસ્ત કરવામાં આવ્યો છે. DD ન્યૂઝ અને DD નેશનલ ચેનલ પર લાઈવ પ્રાણ પ્રતિષ્ઠા સમારોહ જોઈ શકો છો. દૂરદર્શન અન્ય ન્યૂઝ એજન્સીઓ સાથે આ ફીડ શેર કરશે. ઉપરાંત દૂરદર્શનની અન્ય યૂટ્યૂબ લિંક પર તમામ વિધિ વિધાન અને પૂજા લાઈવ જોઈ શકાશે. 

વધુ વાંચો: અયોધ્યા જવા માટે મફત ટિકિટનું એલાન, તાત્કાલિક ઉઠાવી લેજો લાભ નહીંતર ઓફર લિમિટેડ

લાઈવ ટેલિકાસ્ટ ટાઈમિંગ
આજથી દૂરદર્શન નેશનલ ચેનલની યૂટ્યૂબ ચેનલ પર રામમંદિર પ્રાણ પ્રતિષ્ઠા કાર્યક્રમનું લાઈવ સ્ટ્રીમ શરૂ થઈ ગયું છે. મીડિયા રિપોર્ટ અનુસાર DDએ અયોધ્યામાં નવા રામમંદિર પરિસર સહિત અલગ અલગ સ્થળોએ કુલ 40 કેમેરા ઈન્સ્ટોલ કર્યા છે. વિશ્વમાં અલગ અલગ દેશોમાં ભારતીય દૂતાવાસમાં પણ આ કાર્યક્રમને લાઈવ ટેલિકાસ્ટ કરવામાં આવશે.