હુમલો / ગુજરાતમાં બુટલેગરની આટલી તાકાત? દારૂ પકડવા આવેલ ટીમ પર ગોળીબાર-ગાડી ચઢાવવાનો પ્રયાસ

• દાહોદના દેવગઢ બારીયામાં SMCની ટિમ પર હુમલો
• બુટલેગર ભીખુ પરમારે પોલીસ પર ફાયરિંગ કર્યુ
• પોલીસે 4 રાઉન્ડ ફાયરિંગ કરીને આપ્યો વળતો જવાબ

ગુજરાતમાં દારૂબંધી હોવા છતા અનેક વાર દારૂની રેમલછેલ જોવા મળે છે. જે દારૂની હેરફેર અને વેચાણ માટે બૂટલેગરો પણ અવનવી તરકબી અપવાની રહ્યાં છે તેમજ બેફામ બની રહ્યાં હોય તેવું જણાવી રહ્યાં છે. દાહોદના ધાનપુરના પાંચીયાશાળ ગામની બોર્ડર પર વિજિલન્સની ટીમ પર હુમલો થયાની ઘટના પ્રકાશમાં આવી છે. 

દાહોદના દેવગઢ બારીયામાં SMC ટિમ પર હુમલો
દાહોદના ધાનપુરના પાંચીયાશાળ ગામની બોર્ડર પર વિજિલન્સની ટીમ પર હુમલો થયો છે. વિજિલન્સ ટીમ પર બુટલેગર ભીખુ પરમારે ગાડી ચડાવવાનો પ્રયાસ પણ કર્યો છે. બુટલેગરે વિજિલન્સની ટીમ પર ફાયરિંગ કર્યું હતું જે સમગ્ર ઘટનાથી ચકચાર મચી જવા પામ્યો છે. ભીખુ પરમારે પોલીસ પર 8 રાઉન્ડ ફાયરિંગ કર્યો હોવાનું પણ જાણવા મળ્યું છે. જેના વળતા જવાબમાં પોલીસે પણ ચાર રાઉન્ડ ફાયરિંગ કર્યું હતું. 

SMCની ટીમ અને બુટલેગર દ્વારા સામ સામે ફાયરિંગ
SMC ટીમના દરોડા દરમિયાન સામ-સામે ફાયરિંગ થયું હતું. પાંચીયાશાળ ગામે દારૂની રેડ કરવા માટે વિજિલન્સની ટીમ પહોંચી હતી જે દરમિયાન બુટલેગરે SMCની ટીમ પર હુમલો કર્યો હતો. ઘટનાની જાણ થતાં પોલીસ ઘટના સ્થળે પહોંચી વધુ કાર્યવાહી હાથધરી છે.

દારૂ ઘૂસાડવાના ષડયંત્રનો પર્દાફાશ થયો હતો 
થોડા દિવસ અગાઉ મહારાષ્ટ્રથી ગુજરાતમાં દારૂ ઘૂસાડવાના ષડયંત્રનો પર્દાફાશ થયો છે. વલસાડ LCB પોલીસે ભિલાડ પાસેથી રૂપિયા 7 લાખ 87 હજારના મુદ્દામાલ સાથે 2 આરોપીની ધરપકડ કરી હતી. જેમાં મહારાષ્ટ્રના PSI મુખ્ય સૂત્રધાર હોવાનો ચોંકાવનારો ખુલાસો થયો હતો. વિગતો અનુસાર મહારાષ્ટ્રના PSI ધાનગડે વોટ્સએપના માધ્યમથી દારૂનો ઓર્ડર લેતા હતા જે બાબતે તલાસરીના PSI ધાનગડે સહિત 3 આરોપી વોન્ટેડ જાહેર કરાયા. વિદેશી દારૂ વડોદરા લઈ જવાતો હોવાનું પણ સામે આવ્યું છે. તમને જણાવી દઈએ કે, વલસાડ પોલીસે સમગ્ર મામલે આગળની કાર્યવાહી હાથધરી છે.