ચકચાર / આંદોલનમાં ભાગ લઈને ઘેર આવી રહેલા ખેડૂત પર ચાકૂથી હુમલો, ગંભીર રીતે ઘાયલ, પંથકમાં મચી ચકચાર

અમદાવાદના બાવળા તાલુકાના કેરાળા ગામ નજીક ખેડૂત આગેવાન શૈલેષ મેર પર અજાણ્યા શખ્સો દ્વારા જીવલેણ હુમલો કરવામાં આવ્યો હોવાની ઘટના સામે આવતા સમગ્ર પંથકમાં ભારે ચકચાર મચી છે.

શૈલેષ મેર આંદોલનને પૂર્ણ કરી પરત ફરી રહ્યા હતા

પ્રાથમિક માહિતી અનુસાર, શૈલેષ મેર ખેડૂતોના આંદોલનને પૂર્ણ કરીને પોતાના ઘરે પરત ફરી રહ્યા હતા. તે દરમિયાન કારમાં આવેલા બે અજાણ્યા શખ્સોએ તેમનું અપહરણ કરી તેમના પર ચાકુ વડે હુમલો કર્યો હતો. હુમલામાં શૈલેષ મેરને ગંભીર ઈજાઓ પહોંચતા તેમને તાત્કાલિક સારવાર માટે હોસ્પિટલમાં ખસેડવામાં આવ્યા છે.

ઘટનાની જાણ થતા કેરાળા પોલીસ હોસ્પિટલ પહોંચી

ઘટનાની જાણ થતાં કેરાળા પોલીસ હોસ્પિટલ ખાતે પહોંચી સમગ્ર મામલે તપાસ શરૂ કરી છે. હુમલાખોરોની ઓળખ તેમજ હુમલા પાછળનું કારણ જાણવા પોલીસ દ્વારા વિવિધ દિશામાં તપાસ હાથ ધરવામાં આવી રહી છે.

ઋષિભારતી બાપુ સહિત ખેડૂતો હોસ્પિટલ પહોંચ્યા

શૈલેષ મેર પર હુમલાની ખબર ફેલાતાં આજુબાજુના ગામોના મોટી સંખ્યામાં ખેડૂતો હોસ્પિટલ ખાતે દોડી આવ્યા હતા અને તેમની તબિયત અંગે માહિતી મેળવી હતી. આ ઉપરાંત ઋષિ ભારતી બાપુ પણ હોસ્પિટલ પહોંચ્યા હતા અને ઈજાગ્રસ્તની મુલાકાત લઈ તેમના પરિવારજનોને સાંત્વના આપી હતી.

આ પણ વાંચોઃ નાણાં વિભાગમાં 45 કર્મચારીઓની હિસાબ અધિકારી વર્ગ 2માં બઢતી, વિવિધ જિલ્લાઓમાં પણ બદલી

ઘટનાને લઈ સ્થાનિક ખેડૂતોમાં ભારે રોષ

આ ઘટનાને લઈને સ્થાનિક ખેડૂતોમાં ભારે રોષ જોવા મળી રહ્યો છે. ખેડૂત આગેવાન પર થયેલા હુમલાને લઈને પોલીસ ઝડપથી આરોપીઓને ઝડપી કાયદેસરની કાર્યવાહી કરે તેવી માંગ ઉઠી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ