- ભારતીય પુરૂષ ક્રિકેટ ટીમ મંગળવારે એશિયન ગેમ્સ અભિયાનની શરૂઆત કરશે
- પ્રથમ ક્વાર્ટર ફાઈનલ મેચ ભારત અને નેપાળ વચ્ચે રમાવાની છે
- એશિયન ગેમ્સ 2023માં ભારતીય ટીમનો કેપ્ટન ઋતુરાજ ગાયકવાડ
ભારતીય પુરૂષ ક્રિકેટ ટીમ મંગળવારે ક્રિકેટ ટુર્નામેન્ટની ક્વાર્ટર ફાઇનલમાં નેપાળ સામે તેના એશિયન ગેમ્સ અભિયાનની શરૂઆત કરશે. ટોચની ક્રમાંકિત T20I ટીમ હોવાને કારણે, મેન ઇન બ્લુ સીધી ક્વાર્ટર ફાઇનલમાં રમી રહી છે. નેપાળે ગ્રુપ Aની મેચમાં માલદીવને 138 રનથી હરાવીને ક્વાર્ટર ફાઇનલમાં જગ્યા બનાવી લીધી છે.
પ્રથમ ક્વાર્ટર ફાઈનલ મેચ ભારત અને નેપાળ વચ્ચે રમાવાની છે
એશિયન ગેમ્સ 2023ની પુરૂષ ક્રિકેટ ઈવેન્ટ્સની નોકઆઉટ મેચો 3 ઓક્ટોબરથી રમાશે. ચાર ક્વાર્ટર ફાઈનલ મેચો બાદ બે સેમી ફાઈનલ મેચો રમાશે જ્યારે આ પછી બ્રોન્ઝ અને ગોલ્ડ મેડલ માટે મેચ રમાશે. ભારતને ક્વાર્ટર ફાઈનલમાં સીધી એન્ટ્રી મળી છે, પ્રથમ ક્વાર્ટર ફાઈનલ મેચ ભારત અને નેપાળ વચ્ચે રમાવાની છે. પ્રથમ ક્વાર્ટર ફાઈનલ મેચ ભારતીય સમય અનુસાર સવારે 6.30 વાગ્યે શરૂ થશે. બીજી ક્વાર્ટર ફાઈનલ મેચ પાકિસ્તાન અને હોંગકોંગ વચ્ચે રમાવાની છે.
એશિયન ગેમ્સ 2023માં ભારતીય ટીમનો કેપ્ટન ઋતુરાજ ગાયકવાડ
ઋતુરાજ ગાયકવાડ એશિયન ગેમ્સ 2023માં ભારતીય ટીમની કેપ્ટનશીપ કરી રહ્યો છે. એશિયન ગેમ્સ 2023માં કેપ્ટન ઋતુરાજ ગાયકવાડ અને યશસ્વી જયસ્વાલ ઇનિંગ્સની શરૂઆત કરતા જોવા મળી શકે છે. આ સાથે જ મિડલ ઓર્ડરનો બોજ તિલક વર્મા, શિવમ દુબે, રિંકુ સિંહ અને જીતેશ શર્માના ખભા પર રહેશે. ઓલરાઉન્ડર તરીકે વોશિંગ્ટન સુંદર ટીમનો ભાગ હશે. રવિ બિશ્નોઈને સ્પિનર તરીકે તક મળશે તે લગભગ નિશ્ચિત છે. તે જ સમયે, ફાસ્ટ બોલિંગની જવાબદારી અર્શદીપ સિંહ, અવેશ ખાન અને મુકેશ કુમાર પર રહેશે.
આંતરરાષ્ટ્રીય ક્રિકેટમાં ડેબ્યૂ કરનાર આ ખેલાડીને નહીં મળે જગ્યા!
ટીમ કોમ્બિનેશન પર નજર કરીએ તો આ વર્ષે ભારત માટે આંતરરાષ્ટ્રીય ક્રિકેટમાં ડેબ્યૂ કરનાર રાહુલ ત્રિપાઠીને પ્લેઈંગ 11માં સ્થાન મેળવવું મુશ્કેલ થઈ રહ્યું છે. જો કેપ્ટન ઋતુરાજ 6 બેટ્સમેન અને બે ઓલરાઉન્ડર વોશિંગ્ટન સુંદર અને શિવમ દુબે સાથે જાય તો તેને તક મળી શકે છે. પરંતુ આદર્શ ટીમ કોમ્બિનેશન જોતા તેમના માટે રમવું મુશ્કેલ લાગે છે. આગળ શું થાય છે તે મંગળવારે 6 વાગ્યે ટોસ બાદ જ ખબર પડશે.
આવી હોય શકે છે ટીમ ઈન્ડિયાની પ્લેઇંગ 11
ઋતુરાજ ગાયકવાડ (કેપ્ટન), યશસ્વી જયસ્વાલ, તિલક વર્મા, શિવમ દુબે, જીતેશ શર્મા (વિકેટકીપર), રિંકુ સિંહ, વોશિંગ્ટન સુંદર, રવિ બિશ્નોઈ, અર્શદીપ સિંહ, અવેશ ખાન, મુકેશ કુમાર
