અફઘાનિસ્તાન / પૂર્વ રાષ્ટ્રપતિ અશરફ ગનીના ભાઈએ અફઘિનાસ્તાને આપ્યો ઝટકો, તાલિબાન સાથે મળી કર્યું કઈક એવું કે...

• અશરફ ગનીના ભાઈએ અફઘાનિસ્તાનને આપ્યો ઝટકો 
• તાલિબાન સાથે હાથ મિલાવીને દેશને આપ્યો દગો 
• અફઘાનિસ્તાનની જનતામાં હાલ રોષનો માહોલ  

અફઘાનિસ્તાન પર તાલિબાને કબ્જો મેળવ્યા પછી પૂર્વ રાષ્ટ્રપતિ અશરફ ગની દેશ છોડીને ભાગી ગયા છે. જોકે હવે તેમના ભાઈએ તાલિબાનો સાથે હાથ મિલાવીને અફઘાનિસ્તાનની જનતાને દગો આપ્યો છે. અશરફ ગનીના ભાઈ હશરત ગનીએ કથિત રીતે તાલિબાન સાથે હાથ મિલાવી લીધો છે. તેણે તાલિબાની નેતાઓ મળીને તેના સમર્થનની જાહેરાત કરી છે.

અશરફ ગની પરિવાર સાથે UAEમાં 

બીજી તરફ અશરફ ગની તેના પરિવાર સાથે UAEમાં છે. અફઘાનિસ્તાનની મીડિયા દ્વારા એવી માહિતા આપવામાં આવી કે તેઓ અબુધાબીમાં સેટ થઈ ગયા છે. તેઓ પહેલા તાજિકિસ્તાનમાં ગયા હતા. જ્યા તેમના પ્લેનને લેન્ડીંગ માટે અનુમતી આપવામાં ન આવી. તેમની પાસે ત સમયે દેશ છોડીને ભાગ્યા સિવાય વિકલ્પ ન હતો. 

બધાજ આરોપો પાયા વિહોણા ગણાવ્યા 

જોકે અશરફ ગનીએ એવું કહ્યું છે કે તેઓ ભવિષ્યમાં વિકાસ યોજનાઓ પર યોગદાન આપવાનું યથાવત રાખશે. તેમના પર એવા આરોપ લાગ્યા હતા કે તેઓ દેશ છોડકી વખતે ચાર કાર અને એક હેલિકોપ્ટરમાં રૂપિયા લઈને ભાગ્યા છે. જોકે તેમણે આ બધાજ આરોપોને પાયા વિહોણા ગણાવ્યા છે. 

ઉપરાષ્ટ્રપતિ હાલ કાર્યકારી રાષ્ટ્રપતિ 

હાલ અફઘાનિસ્તાનના ઉપરાષ્ટ્રપતિ અમરુલ્લાહ સાલેહે પોતાને કાર્યકારી રાષ્ટ્રપતિ જાહેર કર્યા છે. તેમણે તાલિબાનને લઈને કહ્યું હજું પણ જંગ પુરી નથી થઈ, લોકોનું કહેવું છે કે હાલ તેઓ પંજશીરમાં છે અને તાલિબાન સામે વિદ્રોહની તૈયારી કરી રહ્યા છે. એક રિપોર્ટ પ્રમાણે તાલિબાનના અમુક માણસોને સ્થાનિક મુજાહિદ્દીનોએ મારી નાખ્યા છે.સાથેજ તેમણે 3 પ્રાંત પર ફરી કબ્જો મેળવી લીધો છે.