કાર્યવાહી / વર્લ્ડકપ ફાઇનલની ઓનલાઈન ખરીદેલી ટિકિટ મોંઘા ભાવે વેચનારા ચેતજો! અમદાવાદમાં એક યુવક ઝડપાયો, પોલીસની છે બાજ નજર

• અમદાવાદમાં વર્લ્ડકપની ફાઇનલ પહેલા મોટી કાર્યવાહી 
• બ્લેકમાં મેચની ટિકિટ વેચતા શખ્સની ધરપકડ
• બોડકદેવ પોલીસે 1 શખ્સની કરી ધરપકડ

World Cup 2023 : અમદાવાદના નરેન્દ્ર મોદી સ્ટેડિયમ ખાતે આવતીકાલે રમાનારી વર્લ્ડ કપની ફાઈનલ મેચને લઈ તમામ તૈયારીઓ પૂર્ણ થઈ ગઈ છે. આવતીકાલે એટલે કે રવિવારે ભારત ઓસ્ટ્રેલિયા વચ્ચે વર્લ્ડકપની ફાઇનલ મેચને લઈ ભારે ઉત્સાહ જોવા મળી રહ્યો છે. આ મેચ જોવા માટે સ્ટેડિયમમાં 1 લાખથી વધુ પ્રેક્ષકો આવવાની શક્યતા છે. આ દરમિયાન હવે મેચની ટિકિટની કાળાબજારી કરતાં ઇસમો સામે પોલીસે લાલ આંખ કરી છે. અમદાવાદ પોલીસે એક વ્યક્તિને ફાઇનલ મેચની ટિકિટ બ્લેકમાં વેચતા ઝડપી પાડ્યો છે. 

નરેન્દ્ર મોદી સ્ટેડિયમ ખાતે આવતીકાલે રમાનારી વર્લ્ડ કપની ફાઈનલ મેચ પહેલા ટિકિટ બ્લેક કરતાં ઈસમને પોલીસ ઝડપી પાડ્યો છે. વિગતો મુજબ બોડકદેવ પોલીસે બ્લેકમાં ટિકિટ વેચતા શખ્સની ધરપકડ કરી છે. ફાઈનલ મેચની 6 ટિકિટ સાથે મિલન મુલચંદાણીની ધરપકડ કરાઇ છે. આ ઈસમને બોડકદેવ પોલીસે થલતેજ વિસ્તારમાં બાગબાન પાર્ટીપ્લોટ પાસેથી ઝડપી પાડ્યો છે. વિગતો મુજબ આ ઈસમ ઓનલાઈન ટિકિટ ખરીદીને પૈસા કમાવવા વેચાણ કરવા આવ્યો હતો.

Let's unite in support of India, expressing our enthusiasm with the shoutout, "Time to bleed blue!"

Together, let's firmly reject any involvement in black ticketing practices.@sanghaviharsh @GujaratPolice @cricketworldcup #AhmedabadPolice pic.twitter.com/fKZbYUjqvR

— Ahmedabad Police અમદાવાદ પોલીસ (@AhmedabadPolice) November 17, 2023