BREAKING / IIM અમદાવાદના નવા ડિરેક્ટર તરીકે પ્રોફેસર ભરત ભાસ્કરની નિમણૂક, 5 વર્ષનો રહેશે કાર્યકાળ

• IIMA અમદાવાદ દ્વારા નવા ડિરેક્ટરની જાહેરાત કરાઇ
• ડિરેક્ટર પદે પ્રોફેસર ભરત ભાસ્કરનની વરણી કરાઈ
• 01 માર્ચથી શરૂ થશે ભરત ભાસ્કરનનો કાર્યકાળ

ઇન્ડિયન ઇન્સ્ટિટ્યૂટ ઓફ મેનેજમેન્ટ અમદાવાદ (IIMA) દ્વારા નવા ડિરેક્ટરની જાહેરાત કરવામાં આવી છે જેમાં ડિરેક્ટર પદે પ્રોફેસર ભરત ભાસ્કરનની વરણી કરાઈ છે. તેઓ પાંચ વર્ષના કાર્યકાળ માટે ડિરેક્ટર તરીકે સેવા આપશે. તેવી સત્તાવાર રીતે જાહેરાત કરવામાં આવી છે.

ભરત ભાસ્કરનનો કાર્યકાળ 01 માર્ચ થી શરૂ થશે

મહત્વનું છે કે વર્તમાન પ્રોફેસર એરોલ ડિસોઝાનો કાર્યકાળ છે. 31 જાન્યુઆરીએ સમાપ્ત થાય છે. નવનિયુક્ત ડિરેક્ટર ભરત ભાસ્કરનનો કાર્યકાળ 01 માર્ચ 2023થી શરૂ થવા જઈ રહ્યો છે. જાણવા મળતી વિગત મુજબ હાલમાં પ્રોફેસર ભરત ભાસ્કર IIM લખનઉમાં ઈન્ફર્મેશન ટેકનોલોજી એન્ડ સિસ્ટમ્સમાં પ્રોફેસર તરીકેની જવાબદારી અદા કરી રહ્યા છે. અને 01 માર્ચથી આ પદ સંભાળશે.વચગાળામાં બોર્ડ ઓફ ગવર્નર્સે 1 ફેબ્રુઆરીથી 28 ફેબ્રુઆરીના સમયગાળા માટે પ્રોફેસર અરિંદમ બેનર્જીને ડાયરેક્ટર-ઈન-ચાર્જ તરીકે નિયુક્ત કર્યા છે.

પંકજ પટેલે જણાવ્યું કે
આ જાહેરાત કરતાં, IIMA બોર્ડ ઓફ ગવર્નર્સના ચેરપર્સન પંકજ આર પટેલે પ્રોફેસર ભરત ભાસ્કરને IIMAના નવા ડિરેક્ટર તરીકે અભિનંદન પાઠવ્યા હતા. ત્યારબાદ તેમણે કહ્યું કે ભારત, વિશ્વમાં કામ કરવાનો અનુભવ ધરાવતા અને ટેકનોલોજીના પ્રોફેસર તરીકે મને વિશ્વાસ છે કે તેઓ વારસાને આગળ ધપાવશે. ડિજિટલ યુગમાં તે કુશળ નેતુત્વ થકી નવી સિદ્ધિઓ તરફ લઈ જશે.