મુંબઈ / અનુરાગ કશ્યપ અને કુણાલ કામરા 'ચપ્પલ' લઇને અર્ણબ ગોસ્વામીના સ્ટુડિયોમાં પહોંચ્યા અને પછી...

સ્ટેન્ડ-અપ કોમેડિયન કામરાએ પોતાની અને અનુરાગ કશ્યપની એક તસ્વીર ટ્વીટ કરીને શેર કરી છે, જેમાં તેઓ રિપબ્લિક ટીવીની ઓફિસની બહાર ઉભા છે. તસ્વીર શેર કરતાં કામરાએ લખ્યું કે, "બર્થડે બોય અનુરાગ કશ્યપ અને હું અર્નબ ગોસ્વામીને 'એક્સેલન્સ ઇન જર્નાલિઝમ' એવોર્ડ આપવા રિપબ્લિક ટીવીની ઓફિસ ગયા. પરંતુ રિપબ્લિકના સિક્યોરિટી ગાર્ડે કહ્યું કે પરવાનગી વિના તે અંદર જવાની મનાઈ છે."

Birthday boy @anuragkashyap72 & me went to the @republic’s office to give Arnab an excellence in journalism award... Republic security said bina permission ke allowed nahi hai...

😂😂😂 pic.twitter.com/nCMp8oqpQZ

— Kunal Kamra (@kunalkamra88) September 10, 2020

આ મુદ્દે અનુરાગ કશ્યપે પણ ટ્વીટ કરીને લખ્યું હતું કે આ તેની બેસ્ટ બર્થ ડે રહી છે. રસપ્રદ વાત એ છે કે શ્રેષ્ઠ પત્રકારત્વ માટેનો જે એવોર્ડ અર્ણબને આપવા જઈ રહ્યા હતા તેમાં ચપ્પલને એવોર્ડની જેમ ફ્રેમ કરવામાં આવ્યા હતા. 

Best birthday everrr .. उसने पूछा था , “किधर हूँ मैं ?” तो मैं गया । बोला बिना permission अलाउड नहीं है । यह @republic वालों को भी permission लेना चाहिए ना । https://t.co/I12Fdtpbu3

— Anurag Kashyap (@anuragkashyap72) September 10, 2020

કામરાએ રિપબ્લિક ટીવી અને તેના એડિટર અર્ણબ ગોસ્વામીને પહેલીવાર નિશાન બનાવ્યા નથી. આ અગાઉ સુશાંત સિંહ રાજપૂતનાં મૃત્યુમાં ડ્રગ્સનો એંગલ સામે આવ્યા પછી ગોસ્વામીએ તેના શોમાં કહ્યું હતું કે સમગ્ર બૉલીવુડનો ડ્રગ ટેસ્ટ કરાવવો જોઈએ અને જેમણે તેમના જીવનમાં ડ્રગ્સ લીધા છે તેમના એવોર્ડ પાછા લઇ લેવામાં આવે. 

આ મુદ્દે કામરાએ કહ્યું કે દેશમાં કોરોના ટેસ્ટ વધુ સંખ્યામાં કરવાની જરૂર છે અને અર્ણબ આખા બૉલીવુડમાં ડ્રગ ટેસ્ટની માંગ કરી રહ્યો છે. અર્ણબ કહે છે કે આખા બૉલીવુડનો ડ્રગ ટેસ્ટ કરાવો. આવતી સેલ્ફી લેવા માટે વડાપ્રધાને કોઈ નશામુક્તિ કેન્દ્રમાં જવું પડી શકે છે.