OMG / VIDEO: થાઈલેન્ડના હાઇવે પર મહાદેવની ભવ્ય મૂર્તિ, માતા પાર્વતી અને ગણેશજી પણ આપે છે દર્શન, જોઈને દંગ રહી ગયા અનુપમ ખેર

• અભિનેતા અનુપમ ખેરનો થાઈલેન્ડથી આવ્યો વીડિયો
• બેંકોકનાં નેશનલ હાઈવે પર દર્શાવી ભવ્ય શિવ-પાર્વતીની મૂર્તિ
• વીડિયોમાં બોલ્યાં, 'જય શિવ શંભૂ'

અભિનેતા અનુપમ ખેર હાલમાં થાઈલેન્ડનાં બેંકોક શહેરમાં છે. તેમણે ટ્વિટર પર ફેન્સ માટે થાઈલેન્ડથી એક વીડિયો શેર કર્યો છે જેમાં તેઓ બેંકૉકથી થોડી દૂર નેશનલ હાઈવે પર ભગવાન શિવ, માં પાર્વતી અને ગણેશજીની મૂર્તિ દર્શાવી રહ્યાં છે. અનુપમ ખેર આ મૂર્તિઓ જોઈને આશ્ચર્યચકિત થયાં હતાં. તેમણે વીડિયો શેર કરતાં 'જય શિવ શંભૂ'નાં નારાઓ લગાવ્યાં.

It was an amazing feeling to see huge statutes of #ShivJiMaharaj #Parvati ji and Lord #Ganesha on the busy highway of #Thailand! God’s blessings are everywhere. Even when sometimes we cant see them with naked eyes! 🙏🕉😍 #Bholenath #OmNamahShivay #ShankarJi #Blessed pic.twitter.com/odLqwwFVwj

— Anupam Kher (@AnupamPKher) April 19, 2023

ભારતની સંસ્કૃતિનું દુનિયામાં મહત્વ 
અનુપમ ખેરે 1 મિનિટનો વીડિયો પોતાના ટ્વિટર પર શેર કર્યો છે. જેમાં તે નેશનલ હાઈવેનાં કિનારે ઊભા છે અને ત્યાં સ્થાપિત ભગવાન શિવ, માં પાર્વતી અને ગણેશજીની મૂર્તિઓ દર્શાવતા તેઓ કહે છે કે 'મિત્રો ભારતનાં દેવી-દેવતાઓનું, ભારતની પરંપરાનું, ભારતની સંસ્કૃતિનું દુનિયામાં કેટલું મહત્વ છે એ હું તમને દર્શાવું છું.જુઓ મેં Thailandમાં હાઈવે પર શું જોયું. '

'જય શિવ શંભૂ'
અનુપમ ખેરે કહ્યું કે તે બેંકોકથી 3થી 4 કલાકનાં અંતર પર છે અને અહીં રોડનાં કિનારે ભગવાન શિવ, માં પાર્વતી અને ગણેશજીની પ્રતિમા જોઈને તે અભિભૂત છે. તેઓ વીડિયોમાં બોલ્યાં કે જય શિવ શંભૂ. મિત્રો આ છે ભારતની મહાનતા. આ છે આપણાં દેવી-દેવતાઓની ઉપસ્થિતિ જે ન માત્ર આપણાં દેશમાં પરંતુ વિશઅવનાં તમામ દેશઓને પોતાનું વરદાન પોતાનાં આશીર્વાદ આપે છે. જય શિવ શંભૂ.