ભરૂચ / અંકલેશ્વર નગરપાલિકાના મહિલા કાઉન્સિલર વિવાદમાં, જૂનો વીડિયો સોશિયલ મીડિયામાં વાયરલ

ભરૂચ જિલ્લામાં અંકલેશ્વર નગરપાલિકાના વોર્ડ નં. 9ની કોંગ્રેસ મહિલા કાઉન્સિલર ખુશીબેન પરમાર ફરી એકવાર ચર્ચાના કેન્દ્રમાં આવ્યા છે. સોશિયલ મીડિયામાં વાયરલ થયેલા એક વીડિયોએ રાજકીય તેમજ સ્થાનિક સ્તરે ભારે ચર્ચા જગાવી છે.

વીડિયો સોશિયલ મીડિયામાં વાયરલ

માહિતી મુજબ, ખુશીબેન પરમારનો એક જૂનો વીડિયો હાલ ફરીથી સોશિયલ મીડિયામાં વાયરલ થઈ રહ્યો છે. વીડિયોમાં તેઓ ભરૂચના સિલ્વર રેલવે બ્રિજ પર જોખમી રીતે રીલ બનાવતા જોવા મળી રહ્યા છે. એટલું જ નહીં, વીડિયોમાં તેમના હાથમાં રિવોલ્વર જેવી હથિયાર દેખાતાં લોકોમાં અનેક સવાલો ઉભા થયા છે.

વીડિયો યુવાનો પર ખોટી અસર પેદા કરી શકે

સિલ્વર રેલવે બ્રિજ જેવા સંવેદનશીલ અને જોખમી સ્થળ પર બનાવવામાં આવેલી રીલ્સને લઈને સ્થાનિકોમાં નારાજગી જોવા મળી રહી છે. લોકોનું માનવું છે કે જાહેર પ્રતિનિધિઓએ જવાબદારીપૂર્વક વર્તન કરવું જોઈએ અને આવા વીડિયો યુવાનો પર ખોટી અસર પેદા કરી શકે છે.

આ પણ વાંચોઃ બોડકદેવ વોર્ડના કોર્પોરેટર ધરમશી દેસાઈ અને દેવાંગ દાણી એક જ બુલેટ પર કોર્પોરેશન ઓફિસ પહોંચ્યા

વીડિયો વાયરલ થતાં રાજકીય વર્તુળોમાં પણ ચર્ચા તેજ બની છે. વિરોધીઓ દ્વારા આ મામલે પ્રશ્નો ઉઠાવવામાં આવી રહ્યા છે, જ્યારે ખુશીબેન પરમાર તરફથી હજુ સુધી કોઈ સત્તાવાર પ્રતિસાદ સામે આવ્યો નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ