સ્પોર્ટ્સ / 'મારું એવું માનવું છે કે હાલમાં તેઓએ હજી...', વિવાદોમાં રહેનાર અશ્વિન પર શું બોલ્યા અનિલ કુંબલે

ટીમ ઈન્ડિયાના સ્ટાર સ્પિનર ​​અનિલ કુંબલેએ 500 આંતરરાષ્ટ્રીય વિકેટ લેવા બદલ ભારતીય ટીમના અનુભવી સ્પિનર ​​રવિચંદ્રન અશ્વિનના વખાણ કર્યા હતા. એમને કહ્યું કે રવિચંદ્રન અશ્વિને છેલ્લા એક દાયકામાં ઘણા પડકારોનો સામનો કર્યો હતો પરંતુ તે સતત શીખવાના પોતાના જુસ્સા અને ઈચ્છાશક્તિથી તેને પાર કરવામાં સફળ રહ્યો હતો.  

Anil Kumble praises R Ashwin's ability to overcome challenges and deliver for the team#RAshwin #AnilKumble #Indiancricket #Insidesport #CricketTwitter pic.twitter.com/sBxelbPDwp

— InsideSport (@InsideSportIND) March 17, 2024

હવે એ વાત તો જાણીતી જ છે કે ઈંગ્લેન્ડ સામે કારકિર્દીની 100મી ટેસ્ટ રમનાર અશ્વિને ટેસ્ટમાં 516 વિકેટ પોતાના નામે કરી છે. અને તેને ભારત માટે સૌથી ઝડપી 500 વિકેટ પૂરી કરી. આ બાદ તે હાલમાં કુંબલે (619) પછી ભારત માટે સૌથી વધુ ટેસ્ટ વિકેટ લેનાર બીજા બોલર બન્યો છે. જો કે ભૂતપૂર્વ ભારતીય લેગ સ્પિનર ​​કુંબલેને આ વાતથી જરાય આશ્ચર્ય થયું ન હતું.

કુંબલેએ અશ્વિનને 100 ટેસ્ટ અને 500 વિકેટ પૂરી કરવા પર તમિલનાડુ ક્રિકેટ એસોસિએશન દ્વારા આયોજિત સન્માન સમારોહમાં કહ્યું, “અશ્વિને ઘણા પડકારોનો સામનો કર્યો છે. તેમણે કોઈપણ પડકારને તેમની પ્રગતિમાં અવરોધ ન બનવા દીધો. તે એક દાયકાથી વધુ સમયથી દેશ માટે અસાધારણ મેચ-વિનર રહ્યો છે અને તેણે જે સાતત્ય બતાવ્યું છે તે અદભૂત છે. આ પ્રકારની સફળતા માટે વ્યક્તિના ઉદ્દેશ્ય પ્રત્યે સંપૂર્ણ સમર્પણની જરૂર હોય છે.

કુંબલેએ કહ્યું હતું કે અશ્વિન ભારતીય પ્રશંસકો દ્વારા તેમની પાસેથી રાખેલી મોટી અપેક્ષાઓને સંભાળવામાં સક્ષમ છે. તેણે કહ્યું, 'જ્યારે હું ભારતીય ટીમનો કોચ હતો ત્યારે અમે એક વર્ષ સાથે કામ કર્યું હતું. તે પૂરી તૈયારી સાથે મેદાનમાં ઉતરે છે. તેની પાસે તે ખેલાડીઓની સંપૂર્ણ માહિતી હતી જેની સામે તે મેચ રમી રહ્યો હતો.'

વધુ વાંચો : RCB WPL Champions થતાં જ મીમનો વરસાદ, કોહલી ટાર્ગેટ, જેઠાલાલવાળું પોસ્ટર સૌથી હટકે

ભારતના મુખ્ય કોચ રાહુલ દ્રવિડે કહ્યું કે અશ્વિને દેશમાં સ્પિન બોલિંગનો ચહેરો બદલી નાખ્યો. તેણે કહ્યું, “હું એ વારસા વિશે વિચારી રહ્યો છું કે અશ્વિન જેવો ખેલાડી પુરો થયા પછી તેને છોડશે. હું માનું છું કે તેણે તેની કારકિર્દીમાં હજુ લાંબી સફર કાપવાની છે. સ્પિન બોલિંગ વિશે વિચારીને, તેણે સ્પિન બોલિંગની અમારી સમજ અને જ્ઞાનને આગળ વધાર્યું છે, જે એક મહાન વારસો છે.'

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો