દર્દનાક / આંગણવાડીમાં બાળક વારંવાર પેશાબ કરતું હોવાથી મેડમનો પિત્તો ગયો, બાળકના પ્રાઈવેટ પાર્ટ્સને સળગાવી દીધો

• કર્ણાટકમાંથી હચમચાવી નાખતો કિસ્સો સામે આવ્યો
• ત્રણ વર્ષનું બાળક વારંવાર પેશાબ કરી જતાં મેડમનો પિત્તો ગયો
• બાળકના પ્રાઈવેટ પાર્ટ્સમાં આગ લગાવી દીધી

કર્ણાટકના તુમકુરુ જિલ્લામાંથી હચમચાવી નાખતી ઘટના સામે આવી છે. જિલ્લાની એક આંગણવાડી કાર્યકર્તાએ ત્રણ વર્ષના બાળકના પ્રાઈવેટ પાર્ટ્સને આગ લગાવી દીધી હતી. પોલીસ સૂત્રોએ શુક્રવારે આ વાતની જાણકારી આપી હતી. આંગણવાડી કાર્યકર્તાએ એટલા માટે આવુ કર્યું કેમ કે, ત્રણ વર્ષનું બાળક ક્લાસમાં વારંવાર પેશાબ કરી જતું હતું. બાળકના પ્રાઈવેટ પાર્ટ્સને સળગાવવાના આરોપમાં આંગણવાડી કાર્યકર્તા પર ફરિયાદ નોંધી લેવામાં આવી છે. 

ગુરુવારે એક મહિલા અને બાળ વિકાસ અધિકારી દ્વારા ફરિયાદ નોંધ્યા બાદ પોલીસને આ ઘટનાની જાણ થઈ. આ ઘટના 19 ઓગસ્ટની હોવાનું કહેવાય છે. 

આંગણવાડી કાર્યકર્તા પર બાળકોને પ્રતાડિત કરવાનો આરોપ

જિલ્લાના ચિક્કા નયનકહલ્લી તાલુકાના ગોડેકેરે ગામ નિવાસી અધિકારીને પત્ર લખીને આંગણવાડી કાર્યકર્તા પર બાળકોને પ્રતાડિત કરવાનો આરોપ લગાવ્યો છે. 

બાળકને માચિસની સળી સળગાવી ડરાવાની કોશિશ કરી હતી

ફરિયાદના આધાર પર સરકારી અધિકારી જી હોન્નપ્પાએ મામલાની તપાસ માટે ગામની મુલાકાત લીધી હતી. તેમણે આંગણવાડી કાર્યકર્તા રશ્મિ કેપી સાથે કેટલાય સવાલો કર્યા હતા. તેના પર આંગણવાડી કાર્યકર્તાએ કહ્યું કે, તે ફક્ત માચિસની સળી સળગાવી બાળકને ડરાવાની કોશિશ કરી હતી. પણ ભૂલથી આગ લાગી ગઈ હતી. જેના પરિણામ સ્વરુપે બાળકનો પ્રાઈવેટ સળગી ગયો હતો. બાળકે તેની ફરિયાદ પોતાના દાદા-દાદીને કરી હતી. ત્યાર બાદ તેનું મેડિકલ કરાવ્યું હતું.