- આણંદ LCBએ પાડ્યા આંકલાવમાં દરોડા
- ભાજપ ઉપપ્રમુખનું જુગારધામ ઝડપાયું
- જગદીશ ઠાકોર ચલાવતા હતા જુગારધામ
આણંદમાં છાને ખૂણે અનેક સ્થળોએ જુગારધામ ધમધમતા હોવાની રાવ વચ્ચે આજે LCBની ટીમે બાતમીના આધારે જુગારધામ પર રેડ પાડી હતી. એલસીબીની ટીમ ત્રાટકતા જુગારીઓના રંગમાં ભંગ પડ્યો અને નાસભાગ મચી જવા પામી હતી. આ દરમિયાન પોલીસની પ્રાથમિક તપાસમાં આંકલાવ શહેરમાં ભાજપ ઉપપ્રમુખ જગદીશ ઠાકોર જ જુગારધામ ચલાવતો હોવાનું બહાર આવતા પોલીસ પણ ચોકી ઉઠી હતી. એટલું જ નહીં સ્થાનિક પોલીસની રહેમ નજર હેઠળ આ જુગારધામ ધમધમતું હોવાના પણ આક્ષેપો થઈ રહ્યા છે. ત્યારે આણંદ એલસીબીની ટીમે બાતમીના આધારે દરોડો પાડતા જુગાર ધામનો પર્દાફાશ થયો છે.
7 જુગારીઓ પોલીસ ઝપટે ચડયા
આંકલાવમા રંજેવાડ આવેલ તળાવ વિસ્તારામાં રહેતા આંકલાવ શહેર ભાજપ ઉપપ્રમુખ જગદીશ ઉર્ફે ઝૂમરી ઠાકોર સંચાલિત જુગારધામ પર પોલીસ ત્રાટકી હતી. આ પ્રકરણમાં એયુ બખાન અખ્તરખાન રાઠોડની પણ ભાગીદારી હોવાનું ખુલ્યું છે. આ દરમિયાન પત્તા ટીંચતા સૈકલી ઉર્ફે બાપુ ઇનાયતઅલી સૈયદ, જઇદઅલી ઇનાયત અલી સૈયદ, કમલેશભાઈ ઉર્ફે અકુ શાંતિલાલ પટવા, નાસીરખાન સિકંદરખાન પઠાણ, અબ્દુલરજાક ઈસ્માઈલભાઈ વોરા સહિત 7 જુગારીઓ પોલીસ ઝપટે ચડયા હતા. જેને લઈને પોલીસે તમામ પટ્ટાપ્રેમીઓને પકડી પાડી એલસીબીએ ગુન્હો નોંધવા સહિતની આગળની કાર્યવાહી અર્થે સ્થાનિક પોલીસ મથક ખાતે સોંપ્યા હતા.
શહેર ભાજપ પ્રમુખ જગદીશ ઠાકોર સહિત બે શખ્સો નાશી છૂટયા
વધુમાં આ પ્રકરણમાં શહેર ભાજપ પ્રમુખ જગદીશ ઠાકોર સહિત બે શખ્સો પરિસ્થિતિ પારખી નાશી છૂટયા હતા.હાલ પોલીસે પોલીસે ઘટના સ્થળેથી અને પોલીસ ઝપટે ચડેલા જુગારીઓના કબ્જામાંથી 26 હજારની રોકડ ઉપરાંત બાઇક, સહિત 76 હજારથી વધુનો મુદ્દામાલ જપ્ત કર્યો છે. ઉપરાંત પોલીસને હાથતાળી આપી નાશી છૂટવામાં સફળ રહેલા શખ્સોને પકડી પાડવા પોલીસે તજવીજ હાથ ધરી છે.
