આણંદ / ભાઠા મંડળીના ખેડૂતોએ સામૂહિક ખેતીથી લાખો કમાયા, સરકારી જમીન ફળી, ઓછા ખર્ચે આવી રીતે મેળવ્યું મબલખ ઉત્પાદન

• આણંદ જિલ્લાના આંકલાવ પંથકના ખેડૂતોના સંપને સલામ
• મંડળીમાં 281 ખેડૂતો સહિયારા પ્રયાસોથી ખેતી કરી મેળવે છે લાખોની ઉપજ
• 1953માં ભાઠા મંડળીનીં સ્થાપવામાં આવી હતી
•  

આણંદ જિલ્લાના આંકલાવ તાલુકાના ગંભીરા, કોઠીયાખડ અને નાની શેરડી તેમજ બીલપાડ ગામના ખેડૂતોએ મળીને  "મહીસાગર સમુહદાયિક ભાઠા મંડળી"ની સ્થાપના કરી છે. આ મંડળીમાં એક બે નહીં પરંતુ કુલ 281 ખેડૂતો સહિયારા પ્રયાસોથી ખેતી કરી લાખોની ઉપજ મેળવી રહ્યા છે. આઝાદી સમય દરમિયાન મહીસાગર નદી કાંઠે આવેલ 4 ગામની જમીનનું પુર દરમિયાન મોટા પ્રમાણમાં ધોવાણ થયું હતું અને ખેડૂતોને પુરમાં ખરાબ થયેલી જમીનમાં ખેતી કેવી રીતે કરવી એ સવાલ ખટકતો હતો ત્યારે આવા સમયે ગંભીરા ગામના ખેડૂત પુત્ર અને સ્વાતંત્ર્ય સેનાની છગનભાઇ મુળજીભાઈ પટેલને એક વિચાર આવ્યો જેમાં તેમણે મહીસાગર સમુહદાયિક ભાઠા મંડળીની સ્થાપના કરી. પૂર દરમિયાન ડૂબાણમાં ગયેલી જમીન સામે મહીસાગર કાંઠે વેરાન જમીનની તત્કાલીન સરકાર સમક્ષ માંગ કરી હતી. ખેડૂતો પ્રત્યેની લાગણીને માન આપી સરકારે 900 એકરની જમીન મંડળીને સુપ્રત કરી હતી. જે વેરાન જમીનને મંડળી સાથે સંકળાયેલ ખેડૂતોએ આકરી મહેનત કરી ખેડાણ લાયક બનાવી અને ખેતીની શરૂઆત કરી હતી.

1953માં ભાઠા મંડળીનીં કરાઈ હતી સ્થાપના

શરૂઆતમાં ખેડૂતો અને મંડળીને ઘણી સમસ્યા નડી પણ આર્થિક રીતે સક્ષમ એવા મંડળીના સ્થાપક છગનભાઇ પટેલે આર્થિક મદદ કરી ખેડૂતોને ખેતી કરવા પ્રેરણા આપી એક મજબૂત મંડળી બનાવી હતી. હાલ ખેડૂતો જાતે જ સામુહિક રીતે ખેતી કરી ઓછા ખર્ચે મબલખ ઉત્પાદન કરી રહ્યા છે. જેને લઈ આ મંડળી અહીંના ખેડૂતો માટે આશીર્વાદ રૂપ સાબિત થઈ છે.વર્ષ 1953 માં સ્થાપવામાં આવેલ મહીસાગર ભાઠા મંડળી હાલ એશિયામાં ખેડૂતો દ્વારા સ્થાપવામાં આવેલ એક માત્ર મંડળી છે જ્યા ખેડૂતો જાતે મહેનત કરી રહ્યા છે.મહીસાગર ભાઠા મંડળી પાસે હાલ 525 એકર જમીન છે. જેમાં 281 ખેડૂતો સામુહિક રીતે ખેતી કરે છે અહીં મુખ્યત્વે તમાકુ, બાજરી, ડુંગળી જેવા પાક ખેડૂતો પક્વતા હોય છે. જમીનમાં  14 /14 ખેડૂતોની ટુકડી બનાવવામાં આવી છે આ 14 ખેડૂતો દ્વારા સામુહિક રીતે એક બીજાને સોંપવામાં આવેલ જમીનમાં એક સંપ થઈ મજૂરી કરી પાક પકવતા હોય છે. સૌથી મહત્વની વાત તો એ છે કે આ તમામ ખેડૂતો અલગ અલગ પરિવારના છે અને તેમ છતાં પણ ઘરેથી વાળું લઈ અરસપરસ ભેગા મળી ખેતી કામ દરમિયાન એક સાથે બેસી વાળું કરતા હોય છે.

મંડળી પાસે પોતાનું સ્વંભાંડોળએ કરોડ રૂપિયા છે.

મંડળી દ્વારા આ તમામ ખેડૂતોને ખેડ ખાતર પાણી અને બિયારણની વ્યવસ્થા પુરી પાડવામાં આવે છે. જેથી ખેડૂતોને ખેતી ખર્ચ માટે નાણાં વ્યાજે કે ઉછીના લેવા પડતા નથી,જ્યારે ખેડૂતો દ્વારા પકવેલ મોલ તૈયાર થઈ જાય છે ત્યારે તેની જાહેર માં પારદર્શક હરાજી કરવામાં આવે છે અને જેના થકી ઉપજ ના મળેલ નાણાં માં થી ખેડૂતો 60 ટકા રકમ ચૂકવી આપવામાં આવે છે બાકીની બચેલ 40 ટકા રકમમાંથી ખેડૂતોને આપવામાં આવેલ ખેતી માટેનો ખર્ચ કાપવામાં આવે છે અને વધેલી રકમ ખેડૂતોને બોનસ પેટે ચૂકવી આપવામાં આવે છે.

હાલ મંડળી પાસે પોતાનું સ્વંભાંડોળ એ કરોડ રૂપિયા છે ખેડૂતો માટે 30 ગોડાઉન પણ એકજ સ્થળે બનાવ્યા છે. જ્યારે મંડળીનું વાર્ષિક ટર્ન ઓવર 5 કરોડ છે. મંડળી દ્વારા સ્વભંડોડમાંથી ચાર ગામોમાં અનેક વિકાસના કામો પણ કરવામાં આવે છે આ સાથે મુશ્કેલીના સમયે ખેડૂતોને જરૂર મુજબ એડવાન્સ નાણાં પણ ચૂકવવામાં આવે છે.