ન્યૂઝ અપડેટ્સ
VTV / ગુજરાત / શેત્રુંજી નદીના પુલ પાસે ST બસ અને કાર અથડાતાં બસ ખાળિયામાં ઉતરી, બસચાલક સહિત 3નાં ઘટનાસ્થળે મો*ત
Last Updated: 12:24 PM, 20 November 2026
ADVERTISEMENT
અમરેલી જિલ્લામાં સલામત સવારી ગણાતી એસટી બસ જ અકસ્માતનું કારણ બનતાં ગમખ્વાર દુર્ઘટના સર્જાઈ છે. અમરેલી–સાવરકુંડલા રૂટ પર દોડતી એસટી બસ અને કાર વચ્ચે થયેલા ભયાનક અકસ્માતમાં એસટી બસના ચાલક સહિત કુલ 3વ્યક્તિઓનાં મોત નીપજ્યાં છે, જ્યારે એક વ્યક્તિ ગંભીર રીતે ઇજાગ્રસ્ત થતાં તેને સારવાર માટે હોસ્પિટલ લઇ જવામાં આવ્યા છે.
ADVERTISEMENT
મળેલી માહિતી મુજબ, અમરેલી–સાવરકુંડલા રૂટની એસટી બસે કારને અડફેટે લેતાં અકસ્માત સર્જાયો હતો. અકસ્માત એટલો ભયાનક હતો કે કારમાં સવાર થનાર પરિવારના સભ્યોને ગંભીર ઇજાઓ પહોંચી હતી. જ્યારે પરિવારની અન્ય એક સભ્યને ગંભીર ઇજાઓ પહોંચતાં સારવાર માટે હોસ્પિટલ ખસેડવામાં આવી છે.

ADVERTISEMENT
બીજી તરફ, આ અકસ્માતમાં એસટી બસના ચાલક મેહુલ વાળાનું પણ મોત નીપજ્યું છે. આમ, એસટી બસ અને કાર વચ્ચે સર્જાયેલા આ ગમખ્વાર અકસ્માતમાં કુલ 3 લોકોનાં મોત થતાં સમગ્ર પંથકમાં શોકનું મોજું ફરી વળ્યું છે. ઘટનાની જાણ થતાં જ પોલીસનો કાફલો તેમજ એસટી નિગમના ડેપો મેનેજર સહિતના અધિકારીઓ ઘટનાસ્થળે પહોંચી ગયા હતા.
ADVERTISEMENT
ઉલ્લેખનીય છે કે, આ અકસ્માત કયા સંજોગોમાં સર્જાયો, એસટી બસની ઝડપ કેટલી હતી અને બસચાલકનું વાહન પરથી નિયંત્રણ કેમ ગુમાવ્યું તે સહિતના મુદ્દાઓને લઈને પોલીસે તપાસ શરૂ કરી છે. તપાસ બાદ જ અકસ્માતનું ચોક્કસ કારણ બહાર આવશે.
સંકળાયેલા મુદ્દાઓ