ક્રાઈમ / અમરાવતી કેમિસ્ટ મર્ડર કેસનો માસ્ટરમાઈન્ડ શૈખ ઈરફાન 7 જુલાઈ સુધી પોલીસ કસ્ટડીમાં, કોર્ટનો આદેશ

• અમરાવતીના કેમિસ્ટના મર્ડર કેસનો મુખ્ય આરોપી પોલીસ કસ્ટડીમાં
• કોર્ટે  7 જુલાઈ સુધી મોકલ્યો પોલીસની કસ્ટડીમાં
• ઉમેશ કોલ્હેની હત્યા માટે સાથીઓને ઉશ્કેર્યા હતા

 અમરાવતી કોર્ટે કેમિસ્ટ ઉમેશ કોલ્હે હત્યાકાંડના મુખ્ય આરોપી શૈખ ઈરફાન રહીમને 7 જુલાઈ સુધી પોલીસ કસ્ટડીમાં સોંપવાનો આદેશ આપ્યો હતો. અમરાવતી પોલીસે શનિવારે નાગપુરમાંથી શૈખ ઈરફાનની ધરપકડ કરી હતી. 

#Update | Umesh Kolhe murder case: Amravati court sends mastermind Shaikh Irfan Shaikh Rahim to police custody till July 7

— ANI (@ANI) July 3, 2022

ઉમેશ કોલ્હે હત્યાકાંડમાં અત્યાર સુધી 7 આરોપીની ધરપકડ 
ઉમેશ કોલ્હે હત્યાકાંડમાં અત્યાર સુધી 7 આરોપીની ધરપકડ થઈ ચૂકી છે. પોલીસે શૈખ ઈરફાનને રવિવારે કોર્ટમાં રજૂ કર્યો હતો અને જ્યાં તેની કસ્ટડી માગવામાં આવી હતી કોર્ટે ચાર દિવસ તેની કસ્ટડી મંજૂર રાખી હતી અને પોલીસને સોંપી દીધો હતો. 

અમરાવતી હત્યા કેસમાં એક મોટો ખુલાસો 
અમરાવતી હત્યા કેસમાં એક મોટો ખુલાસો થયો છે. હવે મળેલી તાજેતરની વિગતો મુજબ જોઈએ તો, મૃતક ઉમેશ કોલ્હેના હત્યાકાંડમાં તેનો જ મિત્ર સામેલ હોવાનું સામે આવ્યું છે. જેનું નામ ડોક્ટર યુસુફ ખાન છે. કહેવાય છે કે, કોઈને પણ શંકા ન થાય એટલા માટે યુસુફ ઉમેશના અંતિમ સંસ્કારમાં પણ જોડાયો હતો. પ્રાપ્ત વિગતો અનુસાર જોઈએ તો, ડોક્ટર યુસુફ ખાન અને ઉમેશ કોલ્હેની દોસ્તી 10 વર્ષ કરતા પણ જૂની હતી. યુસુફ ખાન કેટલીય વાર ઉમેશ પાસેથી ક્રેડિટ પર દવાઓ પણ લેતો હતો. હકીકતમાં યુસુફ ખાન પણ બ્લેક ફ્રીડમ નામના વોટ્સએપ ગ્રુપનો સભ્ય છે. આ જ ગ્રુપમાં ઉમેશે નૂપુર શર્માને સમર્થન આપતી પોસ્ટ ફોરવર્ડ કરી હતી, જે બાદ તેની પોસ્ટ યુસુફ ખાન રહબરિયા ગ્રુપમાં મોકલી, જે ગ્રુપમાં હત્યારા અને માસ્ટરમાઈન્ડ ઈરફાન શેખ છે. ત્યાર બાદ ઈરફાનને ગુસ્સો આવ્યો અને તેને 16 જૂને એક મીટિંગ લીધી, જે મીટિંગમાં ઉમેશને મારવાની વાત નક્કી થઈ.