વિધાનસભા / અમિત ચાવડાની પોલીસને ચેતવણી, સમય બદલાતા કોઈ આકાઓ મદદે આવશે નહીં

Shyam

Last Updated: 04:12 PM, 18 March 2021

FOLLOW ON

શેર કરો

દાંડીયાત્રાના દિવસથી પોલીસની કામગીરીને લઈ નારાજ કોંગ્રેસ પ્રદેશ પ્રમુખ અમિત ચાવડાએ ગૃહમાં પણ પોલીસ અંગે રજૂઆત કરી હતી

પોલીસની કામગીરી પર અમિત ચાવડાનું નિવેદન
CMએ કહેલુ કે ગૃહ વિભાગ સૌથી વધુ ભ્રષ્ટ: ચાવડા
પોલીસમાં બે પ્રકારના અધિકારીઓ: ચાવડા

ગુજરાત કોંગ્રેસ પ્રદેશ પ્રમુખ અમિત ચાવડાએ પોલીસની કામગીરી મુદ્દે નિવેદન આપ્યું હતું. અમિત ચાવડાએ કહ્યું કે, ગૃહ વિભાગ સૌથી વધુ ભ્રષ્ટ ખાત્તું હોવાની વાત ખુદ મુખ્યમંત્રીએ ગૃહમાં કરી છે. પોલીસમાં બે પ્રકારના અધિકારીઓ કામ કરે છે. એક કાયદાકીય રીતે કામ કરનાર અધિકારીઓ અને બીજા કમલમના ઈશારે કામ કરનાર ઓફિસર છે.

કેટલાક કમલમથી પગાર થતો હોય તેવી રીતે પોતાની ડ્યૂટી કરી રહ્યા છે. પોલીસ અધિકારીઓને અમિત ચાવડાએ ગૃહમાંથી ચેતવ્યા પણ હતા. સમય બદલાતા કોઇ આકાઓ મદદે આવશે નહીં. તેવી વાત કહીને પોલીસને ચેતવ્યા હતા. નવા અંગ્રેજોના શાસનમાં અવાજ દબાવવા પોલીસનો ઉપયોગ થતો હોવાની વાત પણ અમિત ચાવડાએ કહી હતી.

દાંડીયાત્રા દિવસે કોંગ્રેસ ધારાસભ્યોને કરાયા હતા નજરબંધ

મહત્વનું છે કે, ગુજરાતમાં દાંડી યાત્રાના દિવસે કોંગ્રેસના અનેક નેતાઓને નજરકેદ કરાયા હતા. તો ધારાસભ્ય ક્વાટર્સના દરવાજા પણ પોલીસે બંધ કરી દીધા હતા. આ વાતને લઈ અમિત ચાવડા ખૂબ નારાજ થયા હતા. અને હાજર પોલીસકર્મીને પણ ખરીખોટી સંભળાવી હતી. જે બાદ અમિત ચાવડાએ વિધાનસભા અધ્યક્ષને પણ એક પત્ર લખીને દાંડીયાત્રા દિવસની ઘટના મુદ્દે ફરિયાદ કરી હતી.

સંકળાયેલા મુદ્દાઓ

Amit Chavda Amit chavada Gujarat vidhansabha congress અમિત ચાવડા ગુજરાત વિધાનસભા વિધાનસભા અધ્યક્ષ Amit Chavda