- 6 વર્ષ પછી ટાઈગર અને દિશાએ એકબીજાથી અલગ થવાનો નિર્ણય લઇ લીધો
- ટાઈગર શ્રોફે દિશા માટે કંઇક આવું કર્યું કે જેને જોઇને ફેન્સ ઘણાં ખુશ થઇ ગયા
- બંને એક સાથે પહેલા પણ ઘણી ફિલ્મો કરી ચૂક્યા છે
બીટાઉનનાં ફેમસ કપલ ટાઈગર શ્રોફ અને દિશા પાટની હંમેશા ચર્ચાનો વિષય બનીને રહે છે. ટાઈગર અને દિશા લાંબા સમયથી એકબીજાને ડેટ કરી રહ્યા છે. રીપોર્ટ અનુસાર 6 વર્ષ પછી ટાઈગર અને દિશાએ એકબીજાથી અલગ થવાનો નિર્ણય લઇ લીધો હતો . સાથે જ આ બ્રેકઅપ બંનેએ સમજી વિચારીને કર્યું છે. જો કે હજુ સુધી ટાઈગર અને દિશાએ ના એમના રીલેશનશિપને કન્ફર્મ કર્યું છે કે ના તો તેમના બ્રેકઅપને લઈને કોઈ નિવેદન આપ્યું છે. જો કે બ્રેકઅપની આવી ખબરો વચ્ચે ટાઈગર શ્રોફે દિશા માટે કંઇક આવું કર્યું કે જેને જોઇને ફેન્સ ઘણાં ખુશ થઇ ગયા હતા.
દિશાની ફિલ્મ એક વિલન રીટર્ન હાલ જ રીલીઝ થઇ છે અને આ ફિલ્મના લીડ રોલમાં દિશા સાથે જોન અબ્રાહમ, અર્જુન કપૂર અને તારા સુતારીયા જોવા મળે છે. દિશાનો આ ફિલ્મમાં નેગેટીવ કિરદાર છે. આ બધા વચ્ચે ટાઈગરે દિશાની આ ફિલ્મ જોઈ અને તેણી ખુબ પ્રસંશા કરી હતી.
ટાઈગરે તેના instagram અકાઉન્ટ પર એક સ્ટોરી શેર કરી છે જેમાં તેને દિશાની ફિલ્મનું પોસ્ટર શેર કર્યું છે અને સાથે જ કેપ્શનમાં લખ્યું છે કે,' શું શાનદાર ફિલ્મ છે અને આખી કાસ્ટનું ખૂબ જ સારું પર્ફોમન્સ છે. બધાને ખૂબ શુભકામનાઓ. આ સાથે જ તેને આખી કાસ્ટને આ સ્ટોરીમાં ટેગ કર્યા છે.
આ કારણે થયું બ્રેકઅપ
રિપોર્ટ અનુસાર દિશા અને ટાઈગરના બ્રેકઅપનું કારણ એ છે કે દિશા તેમના રિલેશનને લગ્નમાં પરિવર્તિત કરવા માંગતી હતી અને ટાઈગર હાલ લગ્ન માટે તૈયાર નહતા અને એ પછી બંને એ અલગ થવાનો નિર્ણય લીધો હતો.
સાથે કરશે કામ
જો કે બંનેના બ્રેકઅપના સમાચાર જોર પકડી રહ્યા છે પણ બંને એક સાથે ફિલ્મમાં નજર આવશે. બંને એક સાથે પહેલા પણ ઘણી ફિલ્મો કરી ચૂક્યા છે અને આવનાર સમયમાં પણ એક સાથે નજર આવશે.
