હવામાન / 2024ની શરૂઆત થતાં જ ગુજરાતમાં પડશે માવઠું! પાંચ દિવસ માટે અંબાલાલ પટેલે કરી આગાહી

• અંબાલાલ પટેલે ફરી એકવાર કમોસમી વરસાદની આગાહી કરી
• '1થી5 જાન્યુઆરી સુધીમાં રાજ્યમાં વરસાદ વરસી શકે છે'
• રાજ્યના પૂર્વ અને દક્ષિણ, સૌરાષ્ટ્રના વિસ્તારમાં વરસાદની આગાહી

Ambalal Patel rain Forecast: ગુજરાતના ખેડૂતોના શિયાળુ પાક પર ફરી એકવાર સંકટ સર્જાયુ છે. મુશ્કેલી ભર્યા કમોસમી વરસાદને લઈ અંબાલાલ પટેલે ફરી એકવાર આગાહી કરી છે. અંબાલાલ પટેલે આગાહી કરી છે કે, 1થી 5 જાન્યુઆરી સુધીમાં કમોસમી વરસાદ વરસી શકે છે. પૂર્વ દક્ષિણ અને સૌરાષ્ટ્રમાં વરસાદ વરસી શકે છે

અંબાલાલા પટેલની આગાહી 
નવા વર્ષ 2024ના શરૂઆતમાં જ ખેડૂતો કમોસમી વરસાદને લઈ મુશ્કેલીમાં મુકાશે તેવી અંબાલાલે આગાહી કરી છે. તેમણે કહ્યું કે, 1થી5 જાન્યુઆરી સુધીમાં રાજ્યના પૂર્વ અને દક્ષિણ, સૌરાષ્ટ્રના વિસ્તારમાં વરસાદ આવશે. ત્યારબાદ વાતાવરણમાં પલટો આવશે અને ઉત્તરાયણમાં વાદળછાયું વાતાવરણ રહેશે. વધુમાં આગાહી કરતા કહ્યું હતું કે, 29 ડિસેમ્બરે હાડ થીજવતી ઠંડી પડવાની શક્યતા છે.

'6 જાન્યુઆરીથી હવામાનમાં પલટો આવશે'
રાજ્યમાં ફરી માવઠાની શક્યતા સેવાઈ રહી છે.  હવામાન અગાહીકાર અંબાલાલ પટેલે કહ્યું કે, 6 જાન્યુઆરીથી હવામાનમાં પલટો આવશે તેમજ આ સમયે અરબસાગર અને પશ્ચિમ બંગાળમાં અસર રહેશે. વધુમાં કહ્યું કે, જેના કારણે ઉત્તરાયણમાં ગુજરાતમાં વાદળવાયુ વાતાવરણ રહી શકે છે. 29 ડિસેમ્બરે હાડ થીજવતી ઠંડીની શક્યતા પણ સેવાઈ રહી છે. ગુજરાતનાં ઉત્તરીય ભાગમાં તાપમાન ઘટતા ઠંડીનો ચમકારો અનુભવાશે તેમ પણ આગાહી કરાઈ છે

'માવઠાની શક્યતા'
ઠંડી સાથે સાથે માવઠાની આફત અંગેની આગાહી કરતા અંબાલાલ પટેલે જણાવ્યુ છે કે, એક વેસ્ટન ડિસ્ટર્બન્સ આવશે જેના કારણે માવઠું થવાની શક્યતા રહેશે. જોકે શિયાળુ પાકને ઠંડા વાતાવરણની જરૂર છે પરંતુ ભેજના કારણે કમોસમી વરસાદ થવાની શક્યતા રહેશે.