બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / રાજકોટના સમાચાર / રાજકોટની રથયાત્રામાં અઘોરીઓની અદ્ભુત પ્રસ્તુતી, જોતા જ રહી જશો
5 ફોટો ગેલેરી
Last Updated: 05:30 PM, 16 July 2026
FOLLOW ON
શેર કરો
1/5
અષાઢી બીજના પવિત્ર અવસરે રાજકોટ શહેર ભક્તિમય રંગમાં રંગાઈ ગયું હતું, જ્યાં નાના મૌવા ગામ સ્થિત ભગવાન જગન્નાથજીના મંદિરેથી ભવ્ય રથયાત્રાનો શુભ પ્રારંભ થયો. વહેલી સવારથી જ મોટી સંખ્યામાં શ્રદ્ધાળુઓ દર્શન અને રથયાત્રામાં જોડાવા માટે ઉમટી પડ્યા હતા. ભગવાન જગન્નાથજી, બહેન સુભદ્રાજી અને ભાઈ બલરામજીને આકર્ષક શૃંગારથી શોભિત કરવામાં આવ્યા હતા. મંગળ આરતી અને પરંપરાગત છપ્પન ભોગની વિધિ પૂર્ણ થયા બાદ વૈદિક મંત્રોચ્ચાર વચ્ચે રથયાત્રાને વિધિવત પ્રસ્થાન કરાવવામાં આવ્યું. સમગ્ર વાતાવરણ જય જગન્નાથના ગુંજતા નાદ અને ભક્તિભાવથી ઓતપ્રોત બની ગયું હતું.
આ તસવીર શેર કરો
2/5
રાજકોટમાં ભગવાન જગન્નાથજીની ભવ્ય રથયાત્રા શ્રદ્ધા અને ભક્તિના માહોલ વચ્ચે નીકળી હતી. પરંપરા મુજબ રાજવી માંધાતાસિંહજીએ રથયાત્રાને વિધિવત પ્રસ્થાન કરાવ્યું હતું. ત્યારબાદ ભગવાન જગન્નાથજી, ભાઈ બળભદ્ર અને બહેન સુભદ્રાના રથો શહેરના મુખ્ય માર્ગો પરથી ભક્તોના જયઘોષ વચ્ચે આગળ વધ્યા હતા. સમગ્ર માર્ગ પર વિવિધ સામાજિક, ધાર્મિક અને સેવાભાવી સંસ્થાઓ દ્વારા પુષ્પવર્ષા, પ્રસાદ વિતરણ અને સ્વાગત કાર્યક્રમો યોજાયા હતા. મોટી સંખ્યામાં ઉમટેલા ભાવિકોએ ભગવાનના દર્શન કરી આશીર્વાદ પ્રાપ્ત કર્યા હતા, જેના કારણે શહેરભરમાં ભક્તિમય અને ઉત્સવમય વાતાવરણ છવાઈ ગયું હતું.
આ તસવીર શેર કરો
3/5
અષાઢી બીજના પાવન અવસરે નીકળેલી ભગવાન જગન્નાથજીની રથયાત્રામાં અનેક આકર્ષણોનું અનોખું સંમેલન જોવા મળ્યું હતું. તેમાં અઘોરી રાસ ગ્રુપે પોતાની વિશિષ્ટ અને કલાત્મક રજૂઆતથી સૌનું ધ્યાન ખેંચ્યું હતું. તેમની ઝાંખી નિહાળવા માટે યાત્રામાર્ગ પર મોટી સંખ્યામાં શ્રદ્ધાળુઓ અને નાગરિકો ઉમટી પડ્યા હતા. આ ઉપરાંત વિવિધ ધાર્મિક, સાંસ્કૃતિક અને પરંપરાગત કાર્યક્રમોએ સમગ્ર રથયાત્રાને ભક્તિમય વાતાવરણથી ઓતપ્રોત બનાવી હતી. ભગવાન જગન્નાથજીના નગરવિહાર દરમિયાન ભક્તોમાં ભારે ઉત્સાહ જોવા મળ્યો હતો અને સમગ્ર માર્ગ પર સતત જય જગન્નાથના ગગનભેદી નાદ ગુંજી ઉઠ્યા હતા.
આ તસવીર શેર કરો
4/5
રાજકોટની રથયાત્રાના પાવન અવસરે સાંસદ પરષોત્તમ રૂપાલાએ પણ વિશેષ હાજરી આપી હતી. તેમણે ભગવાન જગન્નાથના દર્શન અને આરતીનો લાભ લીધો હતો. આ પ્રસંગે તેમણે જણાવ્યું હતું કે, રાજકોટ શહેરમાં જગન્નાથ મંદિર દ્વારા 19મી રથયાત્રાનું ભવ્ય આયોજન કરવામાં આવ્યું છે. રાજકોટના રાજવી માંધાતાસિંહજીએ ભગવાન જગન્નાથજીના દર્શન કરી આરતી ઉતારી રથયાત્રાને પ્રસ્થાન કરાવ્યું હતું. આ ઐતિહાસિક અને ધાર્મિક પ્રસંગે ઠાકોરજીના દર્શન તથા આરતીમાં સામેલ થવાનો અવસર મળ્યો તે મારા માટે આનંદ અને સૌભાગ્યની વાત છે.
આ તસવીર શેર કરો
5/5
રથયાત્રાના સુચારુ આયોજન અને શાંતિપૂર્ણ સમાપન માટે શહેર પોલીસ દ્વારા કડક સુરક્ષા વ્યવસ્થા કરવામાં આવી હતી. યાત્રાના સમગ્ર માર્ગ પર પોલીસ કર્મચારીઓ, ટ્રાફિક પોલીસ અને સુરક્ષા દળોની વિશેષ તૈનાતી રાખવામાં આવી હતી. કોઈપણ અનિચ્છનીય બનાવ ન બને તે માટે સતત દેખરેખ રાખવામાં આવી હતી. આશરે 26 કિલોમીટરનો પ્રવાસ પૂર્ણ કર્યા બાદ રથયાત્રા સાંજના સમયે પરંપરાગત રીતે નિજ મંદિરે પરત ફરશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
