રથયાત્રા 2026 LIVE / પ્રથમ રથમાં બિરાજ્યા જગન્નાથ, થોડીવારમાં CM કરશે પહિંદ વિધિ

ભગવાન જગન્નાથજીની રથયાત્રા દરમિ્યાન 45 હજાર કિલો મગ, 500 કિલો જાંબુ, 500 કિલો કેરી, 400 કિલો કાકડી-દાડમ, 2 લાખ ઉપેરણાં પ્રસાદ તરીકે ભક્તો અપાશે.

અમદાવાદમાં ભગવાન જગન્નાથજીની 149મી ભવ્ય રથયાત્રાના પાવન અવસરે ભગવાન જગન્નાથજીને પ્રથમ રથમાં વિધિવત્ બિરાજમાન કરવામાં આવ્યા. વૈદિક મંત્રોચ્ચાર અને પરંપરાગત ધાર્મિક વિધિઓ વચ્ચે ભગવાનને રથમાં પધરાવવામાં આવતા સમગ્ર મંદિર પરિસર 'જય જગન્નાથ'ના ગગનભેદી નારાથી ગુંજી ઉઠ્યું. મોટી સંખ્યામાં ઉપસ્થિત ભક્તોએ આ પવિત્ર ક્ષણના દર્શન કરીને ધન્યતા અનુભવી. હવે પહિંદ વિધિ બાદ ભગવાન જગન્નાથજીની ભવ્ય રથયાત્રા પોતાના પરંપરાગત માર્ગે પ્રસ્થાન કરશે.

મહત્વનું છે કે, ભગવાનનો રથ ખેંચવા માટે ખલાસી બંધુઓમાં અનેરો ઉત્સાહ જોવા મળી રહ્યો છે. ગુજરાત અને બહારના શહેરોમાંથી મોટી સંખ્યામાં ખલાસીઓ ખાસ અમદાવાદ આવે છે. આ વર્ષે મુંબઈ, સુરત, મહેમદાવાદ, વડોદરા, ખંભાત અને નડિયાદ જેવા વિવિધ શહેરોમાંથી આશરે 1200 થી 1600 જેટલા ખલાસી ભાઈઓ રથયાત્રામાં જોડાશે અને ત્રણેય રથ ખેંચવાની સેવા આપશે.

મંગળા આરતી બાદ જય રણછોડ માખણ ચોરના નાદથી મંદિર પરિષર ગુંજી ઉઠ્યું હતું. સવારે 4:30 વાગ્યે ભગવાનને વિશિષ્ટ ખીચડાનો ભોગ ધરાવવામાં આવશે. 5 વાગ્યાની આસપાસ ભગવાન જગન્નાથ, ભાઈ બલરામ અને બહેન સુભદ્રાજીને રથમાં બેસાડવામાં આવશે. સવારે 7:30 વાગ્યે ત્રણેય રથ મંદિરથી બહાર નીકળશે.

રણછોડજી મંદીરમાં રથયાત્રાની આખરી તૈયારીઓ, મંગળા આરતી પહેલા ભક્તો દર્શન માટે પહોંચ્યા, રણછોડજીના મંદીરમાં સજાવટ કરાઈ, સરસપુરના રસ્તાઓ પર પણ સજાવટ

આજના દિવસે ભક્તોને ખીચડીની પ્રસાદ આપવામાં આવશે. મંદિરમા આવતા ભક્તો જગન્નાથ ભગવાનની ખીચડીનો પ્રસાદની લાભ લેશે

કેન્દ્રીય ગૃહ મંત્રી અમિત શાહે પરિવાર સાથે આરતીમાં ભાગ લીધો હતો.

મંદિર પરિસર માં પોલીસ નો લોખંડી બંદોબસ્ત ગોઠવ્યો, ત્રણેય રથનું મુખ્યમંત્રી કરાવશે પ્રસ્થાન, 22 કિમીની રથયાત્રાના રૂટ પર ભગવાન ભક્તોને આપશે દર્શન.

અમિત શાહ મંગલા આરતીમાં લેશે ભાગ, રાજ્યના મુખ્યમંત્રી ભૂપેન્દ્ર પટેલના હસ્તે થશે પહિન્દવિધિ, પહિંદવિધિ બાદ નાથ નગરચર્યાએ નિકળશે

હવામાન વિભાગે આજે અમદાવાદમાં વાદળછાયું વાતાવરણ, ગાજવીજ અને હળવાથી મધ્યમ વરસાદની શક્યતા વ્યક્ત કરી છે. તેથી રથયાત્રામાં જોડાનારા ભક્તોને હવામાનને ધ્યાનમાં રાખીને જરૂરી સાવચેતી રાખવાની સલાહ આપવામાં આવી છે. શહેરના અનેક માર્ગો પર ટ્રાફિક વ્યવસ્થામાં ફેરફાર કરવામાં આવ્યો છે. પોલીસ દ્વારા જાહેર કરાયેલા ડાયવર્ઝન રૂટનું પાલન કરવા અને જરૂરિયાત મુજબ જ રથયાત્રાના માર્ગ પર જવાની અપીલ કરવામાં આવી છે. ભગવાન જગન્નાથજીની રથયાત્રા માત્ર ધાર્મિક પરંપરા જ નહીં, પરંતુ અમદાવાદની સાંસ્કૃતિક ઓળખ અને સામાજિક એકતાનું પણ પ્રતિક માનવામાં આવે છે. લાખો શ્રદ્ધાળુઓ આજે ભગવાનના દર્શન કરીને આશીર્વાદ પ્રાપ્ત કરશે અને સમગ્ર શહેર ભક્તિના રંગમાં રંગાઈ જશે.