ન્યાયિક / 'ઓફિસવાળી સાથે ચક્કર છે' પત્નીનો આ આરોપ ક્રૂરતા ગણાય કે નહીં? હાઈકોર્ટે જાહેર કર્યો મોટો ચુકાદો

• પતિ-પત્ની વચ્ચેના વિવાદમાં દિલ્હી હાઈકોર્ટનો ચુકાદો 
• ઓફિસમાં પતિ પર અફેરનો આરોપ લગાવવો માનસિક ક્રૂરતા
• મહિલા પતિની મર્દાનગી પર આરોપ લગાવે તો તે પણ ક્રૂરતા

હાલમાં જ દિલ્હી હાઈકોર્ટે પતિ-પત્ની વચ્ચે થયેલા વિવાદમાં અનોખો ચુકાદો આપ્યો છે. કોર્ટે કહ્યું છે કે, પોતાના પતિ પર ઓફિસમાં એક મહિલા સાથે અફેરનો આરોપ લગાવનારી મહિલા એક પ્રકારની માનસિક ક્રૂરતા છે. કોર્ટે એમ પણ કહ્યું હતું કે જો કોઈ મહિલા તેના પતિની મર્દાનગી પર આક્ષેપો કરે અથવા તો તેને નપુંસક કહે તો તે માનસિક ક્રૂરતા સમાન છે. જસ્ટિસ સુરેશકુમાર કૈટ અને નીના બંસલ કૃષ્ણાની ડિવિઝન બેન્ચે જણાવ્યું હતું કે પત્ની દ્વારા તેના પતિના 'પુરુષાર્થ' અંગે આક્ષેપો કરવા તે ખૂબ જ નિરાશાજનક અને માનસિક રીતે પીડાદાયક હોઈ શકે છે જે આખરે પતિની માનસિક ક્રૂરતા અને સતામણીમાં ફાળો આપે છે. ખંડપીઠે કહ્યું હતું કે દહેજની માંગ, લગ્નેતર સંબંધોના આક્ષેપો તેમજ પતિને મર્દાનગી સાબિત કરવા માટે દબાણ કરવું અને તેને નારીવાદી કહેવું માનસિક પીડા અને આઘાત પેદા કરવા માટે પૂરતું છે. 

પતિએ મર્દાનગી ટેસ્ટમાંથી પસાર થવું પડ્યું હતું 
સુનાવણી દરમિયાન હાઈકોર્ટે અવલોકન કર્યું હતું કે અપીલકર્તા (પત્ની)ની કબૂલાત એ પ્રસ્થાપિત કરે છે કે પતિએ મર્દાનગીના ટેસ્ટમાંથી પસાર થવું પડ્યું હતું હાઈકોર્ટે એવું પણ તારણ કાઢ્યું હતું કે, પતિ સામે પત્નીનો આક્ષેપ બેદરકારીભર્યો, બદનક્ષીભર્યો અને પાયાવિહોણો છે અને તે અત્યંત ક્રૂરતાભર્યું કૃત્ય અને જાહેરમાં પતિ-પત્નીની છબી ખરડાવવા સમાન છે. કમનસીબે, અહીં એક કેસ છે જેમાં પતિને તેની પત્ની દ્વારા જાહેરમાં પજવણી, અપમાન અને મૌખિક હુમલો કરવામાં આવ્યો છે. પતિ પર આરોપ લગાવનારી મહિલાએ ઓફિસની મીટિંગ દરમિયાન પણ ઓફિસના સ્ટાફ/મહેમાનોની સામે બેવફાઈના આરોપ લગાવવાની હદ સુધી પહોંચી ગઈ હતી. તેણીએ તેની ઓફિસની મહિલા કર્મચારીઓને ત્રાસ આપવાનું પણ શરૂ કર્યું હતું અને ઓફિસમાં તેને નારીવાદી તરીકે રજૂ કરવામાં કોઈ કસર છોડી ન હતી. આ વર્તન ઉત્તરદાતા/પતિ પ્રત્યે અત્યંત ક્રૂરતાનું કૃત્ય છે. 

શું હતા પત્નીના આરોપ 
ક્રૂરતાના આધારે છૂટાછેડા આપવાના ફેમિલી કોર્ટના આદેશને પડકારતી મહિલા દ્વારા દાખલ કરવામાં આવેલી અપીલની સુનાવણી દરમિયાન કોર્ટે આ નિરીક્ષણો કર્યા હતા. આ દંપતીએ 2020માં લગ્ન કર્યા હતા અને તેમને એક પુત્ર છે. તેમના લગ્નના શરૂઆતના વર્ષોમાં વિવાદો ઉભા થયા હતા. પતિનો આરોપ છે કે પત્ની તેની સાથે વારંવાર ખરાબ વર્તન કરતી હતી  તે લોકોને કહેતી હતી કે તેની સાસુ તેને માર મારે છે અને તેના પતિના લગ્નેતર સંબંધો છે અને તેના પરિવારે દહેજ લીધું છે. પીડિત પતિનો આરોપ છે કે, તેની પત્નીએ પણ બળજબરીથી નપુંસકતાનો ટેસ્ટ કરાવ્યો હતો, જેમાં તે પાસ થયો હતો.