બ્યૂટી / આ છે ઐશ્વર્યા રાય બચ્ચનનું સિમ્પલ બ્યૂટી સીક્રેટ, તમે પણ ઘરે જ કરી લો ટ્રાય

બોલિવૂડની અભિનેત્રી અને પૂર્વ મિસ વર્લ્ડ રહી ચૂકેલી ઐશ્વર્યા રાય બચ્ચન ભારત જ નહીં પણ દુનિયાની સુંદર એક્ટ્રેસેસિસમાંની એક છે. તેને જોઈને કોઈને પણ થાય કે તે આટલી સુંદર રહેવા શું કરતી હશે. 

સ્કીનને હાઈડ્રેટેડ રાખે છે ઐશ્વર્યા
સ્કીનને હાઈડ્રેટેડ રાખવા માટે તે ખૂબ જ વધારે પ્રમાણમાં પાણી પીએ છે. આ સિવાય તે માને છે કે ગ્લોઈંગ સ્કીન માટે વોટર થેરાપી બેસ્ટ છે. તમે શરીરને જેટલું હાઈડ્રેટેડ રાખશો તેટલા વધારે ટોક્સિન્સ શરીરમાંથી બહાર નીકળશે. અને સ્કીનને તાજગી મળશે.
 
ચહેરા પર ચણાના લોટનો ઘરેલૂ ઉબટન લગાવે છે
પાણી પીવા સિવાય ઐશ્વર્યા ઘરે બનાવેલા ઉબટનનો ઉપયોગ કરે છે. બહારના કેમિકલ વાળા પ્રોડક્ટ્સ ઐશ્વર્યાને પસંદ નથી.  તે તો ઘરે જ ચણાના લોટમાં દૂધ અને હળદર મિક્સ કરીને પેસ્ટ બનાવી લે છે અને તેને ચહેરા પર લગાવી લે છે. તે સ્કીનને મોશ્ચરાઈઝ કરવા માટે દહીંનો ઉપયોગ કરે છે અને ફેસ માસ્ક માટે ખીરાના જ્યૂસનો ઉપયોગ કરે છે. 

ખાન-પાન અને યોગથી સ્કિનને રાખે છે ગ્લોઈંગ
તમે જે પણ ખાઓ છો તેની સીધી અસર તમારી સ્કીન પર પડે છે. ઐશ્વર્યા તેની સ્કીનને ગ્લોઈંગ અને મેન્ટેન રાખવા માટે હેલ્ધી અને બેલેન્સ્ડ ડાયટનો ઉપયોગ કરે છે. આ માટે એશ ઓઈલી ચીજો ખાવાનું ટાળે છે. સાથે જ બોઈલ્ડ ફૂડનો વધારે ઉપયોગ કરે છે. બ્રેકફાસ્ટ, લંચ અને ડિનર લેવાના બદલે થોડા થોડા સમયાંતરે કંઈક ને કંઈક ખાતી રહે છે. તે જિમ જવાનું ટાળે છે અને ઘરે જ પાવર યોગ અને બ્રિસ્ક વોક કરવાનું પસંદ કરે છે.