જો તમે પણ બ્રૉડબેન્ડ સર્વિસ યૂઝ કરતા હોય અને સાથે જ તમે Airtelના ગ્રાહક છો તો Airtel તમારા માટે એક શાનદાર ઑફર લઇને આવી રહ્યું છે. એરટેલે પોતાના Airtel Big Byte Offerને ઑક્ટોબર 2018 સુધી આગળ વધારી દીધી છે. આ ઑફર પહેલીવાર મે 2017માં લૉન્ચ કરવામાં આવી હતી અને તેની વેલિડિટી 21 માર્ચ 2018 સુધી હતી. એરટેલના આ પ્લાનમાં 1000GB સુધી ફ્રી ડેટા આપવામાં આવે છે.
Airtelની આ ઑફર હેઢળ નવા ગ્રાહકોને 1000GB સુધી ફ્રી ડેટા આપવામાં આવે છે. આ અંગે કંપનીએ જણાવ્યું છે કે જો તમારો ડેટા ચાલુ મહિને પૂરો ન થાય તો તેને આગામી મહિને પણ યૂઝ કરી શકાશે. આ ઑફર હેઠળ Airtel પાસે બે V-Fiber પ્લાન છે જેની કિંમત 1099 રૂપિયા અને 1299 રૂપિયા છે જો કે આ કિંમત ફક્ત દિલ્હી સર્કલ માટે છે. પરંતુ કહેવામાં આવી રહ્યું છે કે અન્ય સર્કલ માટે પણ આ ઑફર ટૂંક સમયમાં લૉન્ચ કરવામાં આવશે.
1099 રૂપિયાના પ્લાનની વાત કરીએ તો આ પ્લાનમાં 1000Mbpsની સ્પીડ સાથે 250GB ડેટા મળશે ને 1000GB ડેટા એક્સ્ટ્રા મળશે. સાથે જ આ પ્લાનમાં અનલિમિટેડ લોકલ અને STD કૉલિંગ તથા 1 વર્ષ માટે એમેઝોન પ્રાઇમનું સબસ્ક્રીપ્શન પણ મળશે.
તેવામાં 1299 રૂપિયાના પ્લાનમાં 350 GBડેટા એક મહિનાની વેલિડિટી સાથે 100Mbpsની સ્પીડ મળશે. આ પ્લાનમાં અનલિમિટેડ લોકલ અને STD કૉલિંગ તથા 1 વર્ષ માટે એમેઝોન પ્રાઇમનું સબસ્ક્રીપ્શન પણ મળશે. આ પ્લાનમાં 1000GB ડેટા બોનસ તરીકે મળશે.
