ખતરો / તાત્કાલિક AI પર કામ બંધ કરો, નહીં તો..., એલોન મસ્ક અને એપલના સહ-સ્થાપકે કેમ કરી પ્રતિબંધની માંગ ?

• તાત્કાલિક AI સિસ્ટમ્સ પર કામ બંધ કરવા ઉઠી માંગ
• એલોન મસ્ક અને એપલના સહ-સ્થાપકે કરી માંગ
• હાલમાં જ તેનું નવું વર્ઝન GPT-4 લોન્ચ કરવામાં  આવ્યું

એલોન મસ્ક અને એપલના કો-ફાઉન્ડરે માંગ કરી છે કે AI ડેવલપમેન્ટ પર પ્રતિબંધ મૂકવો જોઈએ. કારણ કે જો આમ ન થાય તો તે માનવતાના દુશ્મન સાબિત થઈ શકે છે. તેઓ માને છે કે AI નિયંત્રણની બહાર હોઈ શકે છે. AI એટલે કે આર્ટિફિશિયલ ઈન્ટેલિજન્સને લાંબા સમયથી ભવિષ્યની તકનીક તરીકે જોવામાં આવી રહી હતી, પરંતુ હવે તે વાસ્તવિકતા બની ગઈ છે. આ ક્ષેત્રમાં સતત કામ ચાલી રહ્યું છે. ChatGPTના આગમન પછી સામાન્ય લોકોનું ધ્યાન પણ આ ટેક્નોલોજી તરફ ગયું છે. કેટલાક લોકો આ ટેક્નોલોજીને માનવતાના દુશ્મન તરીકે જોઈ રહ્યા છે.આવી અટકળો પણ લગાવવામાં આવી રહી છે કે એક દિવસ લોકોને મશીનની નીચે કામ કરવું પડશે. આ ખતરાને જોતા ટેક્નોલોજી દિગ્ગજો આવી આર્ટિફિશિયલ ઈન્ટેલિજન્સ પર પ્રતિબંધ લગાવવાની માંગ કરી રહ્યા છે. આ ઓપન લેટર પર એલોન મસ્ક, એપલના કો-ફાઉન્ડર સ્ટીવ વોઝનાઈક સહિત 1000 ટેક વેટરન્સ અને સંશોધકોએ હસ્તાક્ષર કર્યા છે. 

પત્રમાં શું લખ્યું છે? 

પત્રમાં લખવામાં આવ્યું છે કે, એઆઈ સિસ્ટમ્સ હવે સામાન્ય કાર્યોમાં માણસોની સમાન છે. આપણે આપણી જાતને પૂછવું જોઈએ કે શું આપણે મશીનોને આપણી માહિતી ચેનલોમાં પ્રચાર અને ખોટી માહિતી ફીડ કરવાની મંજૂરી આપવી જોઈએ ?’ તેમણે પત્રમાં લખ્યું હતું કે ‘શું આપણે તમામ કામ ઓટોમેશન પર મૂકવું જોઈએ ? શું આપણે બિન-માનવ મગજ વિકસાવવું જોઈએ જે આપણું સ્થાન લઈ શકે ?'ફ્યુચર ઓફ લાઈફ ઈન્સ્ટીટ્યુટ એ કેમ્બ્રિજ સ્થિત એનજીઓ છે જે કૃત્રિમ બુદ્ધિના જવાબદાર અને નૈતિક વિકાસ માટે ઝુંબેશ ચલાવે છે. અગાઉ સંગઠનને ખતરનાક સ્વાયત્ત શસ્ત્ર પ્રણાલી વિકસાવવા માટે મસ્ક અને ગૂગલની AI લેબ ડીપમાઇન્ડનો ટેકો મળ્યો હતો. સંસ્થાનું કહેવું છે કે તેઓ તમામ AI લેબ્સ સાથે વાત કરી રહ્યા છે કે GPT-4 કરતા પાવરફુલ કોઈપણ AI સિસ્ટમની ટ્રેનિંગ તાત્કાલિક બંધ કરી દેવી જોઈએ. આ પ્રતિબંધ ઓછામાં ઓછા 6 મહિના માટે હોવો જોઈએ. ઓપન AI દ્વારા આ મહિનાની શરૂઆતમાં GPT-4 લોન્ચ કરવામાં આવ્યું છે, જે GPT-3 કરતાં અનેક ગણું વધુ શક્તિશાળી છે. 

ટેક્નોલોજી જાયન્ટ્સ શા માટે રોકવા માંગે છે? 

Elon Musk અને અન્ય ઘણી ટેક્નોલોજી જાયન્ટ્સ AI લેબ્સ પર પ્રતિબંધ મૂકવા માંગે છે. અનુભવીઓ માને છે કે માનવ જેવી બુદ્ધિ સાથે એઆઈનો વિકાસ અટકાવવો જોઈએ. એલોન મસ્ક, એપલના સહ-સ્થાપક સ્ટીવ વોઝનાઇક અને અન્ય અનુભવીઓએ ફ્યુચર ઓફ લાઇફ ઇન્સ્ટિટ્યૂટ તરફથી એક ખુલ્લા પત્ર પર હસ્તાક્ષર કર્યા છે. આ પત્રમાં કહેવામાં આવ્યું છે કે AI લેબ્સને GPT-4 કરતા વધુ પાવરફુલ મોડ્યુલ તૈયાર કરવાથી રોકવું જોઈએ. 

GPT-4 એ અમેરિકન સ્ટાર્ટઅપ ઓપન AI દ્વારા વિકસાવવામાં આવ્યું 

GPT-4 એ અમેરિકન સ્ટાર્ટઅપ ઓપન AI દ્વારા વિકસાવવામાં આવ્યું છે અને માઇક્રોસોફ્ટ દ્વારા ભંડોળ પૂરું પાડવામાં આવ્યું છે. AI બનાવવામાં આવતા CEOએ મશીનોના માર્ગદર્શન હેઠળ કામ કરવાનું શરૂ કર્યું છે. ચીનની ગેમિંગ કંપની નેટડ્રેગન વેબસોફ્ટે AI-આધારિત રોબોટને તેની એક પેટાકંપનીનો CEO બનાવ્યો છે. વકીલોથી લઈને સલાહકારો સુધી AI બનાવવામાં આવી રહ્યું છે. કેટલાકે ChatGPT ને તેમના CEO બનાવ્યા છે. કંપનીઓનું કહેવું છે કે ઉત્પાદકતા અને કાર્યક્ષમતા વધારવા માટે આવું કરવામાં આવી રહ્યું છે. પરંતુ અહીંથી જ મશીનોના માર્ગદર્શન હેઠળ કામ શરૂ થઈ રહ્યું છે. ટેક્નોલોજી દિગ્ગજોનું માનવું છે કે મનુષ્યની સમાન બુદ્ધિ ધરાવતું AI ભવિષ્યમાં ખતરો બની શકે છે.