એલાન / વર્લ્ડ કપ મેચોના દિવસે અમદાવાદ મેટ્રોના સમયમાં ફેરફાર, રાત્રે આટલા વાગ્યા સુધી મળશે સફરની સુવિધા, ભીડ માટે ખાસ આયોજન

• અમદાવાદ ખાતે નરેન્દ્ર મોદી સ્ટેડિયમમાં યોજાશે વર્લ્ડ કપની પ્રથમ મેચ
• વર્લ્ડકપ મેચોને લઈ ધ્યાને રાખી ગુજરાત મેટ્રો રેલ કોર્પોરેશન દ્વારા સમયમાં કરાયો ફેરફાર
• વર્લ્ડ કપની મેચ દરમ્યાન સવારે 6.20 થી રાત્રી 1.00 વાગ્યા સુધી ચાલુ રહેશે મેટ્રો

ક્રિકેટ રસીયાઓ માટે આગામી સમયમાં શરૂ થઈ રહેલ વર્લ્ડ કપને લઈ અનેરો ઉત્સાહ જોવા મળી રહ્યો છે. જેને ધ્યાને રાખી મેચ દેખવા ગયેલ લોકોને રાત્રે ટ્રેનની સુવિધા મળી રહે તે માટે ગુજરાત મેટ્રો રેલ કોર્પોરેશન લી. દ્વારા અમદાવાદમાં રમાનાર મેચનાં દિવસે ટાઈમમાં ફેરફાર કર્યો છે. જેમાં 5 તેમજ 14 ઓક્ટોમ્બરનાં રોજ મેટ્રો ટ્રેન સવારે 6.20 થી મધ્યરાત્રિ 1 કલાક સુધી ચાલુ રહેશે. જ્યારે 4,10,19 નવેમ્બરનાં રોજ મેટ્રો ટ્રેન 6.20 થી 1.00 કલાક સુધી કાર્યરત રહેશે.  

વર્લ્ડ કપની મેચ દરમ્યાન સવારે 6.20 થી રાત્રી 1.00 વાગ્યા સુધી ચાલુ રહેશે મેટ્રો

રાત્રે 10 વાગ્યાથી તમામ મેટ્રો સ્ટેશનો પર આવવા-જવા માટે એક જ ગેટ ખોલવામાં આવશે. તેમજ પ્રવેશ દ્વારા મોટેરા સ્ટેડિયમ મેટ્રો સ્ટેશન અને સાબરમતી મેટ્રો સ્ટેશન પરથી રાત્રિનાં 1 વાગ્યે છેલ્લી ટ્રેન સેવાનાં પ્રસ્થાન સુધી ખોલવામાં આવશે. 

અમદાવાદ વર્લ્ડ કપ મેચોને લઈ મેટ્રો સમયમાં વધારો કરવામાં આવ્યો, જે દિવસે મેચ હોય તે દિવસે રાત્રે 1 વાગ્યા સુધી મેટ્રો સેવા ચાલુ રહેશે, મોટેરા સ્ટેડિયમ અને સાબરમતીથી 10:00 વાગ્યાથી તમામ મેટ્રો સ્ટેશનો પર માત્ર નિકાસ સુવિધા જ ચાલુ રહેશે #gujaratnews #ahmedabadnews #WorldCup2023… pic.twitter.com/zM3bXvqzvO

— VTV Gujarati News and Beyond (@VtvGujarati) October 3, 2023

મુસાફરોની સુવિધા માટે પેપર ટિકિટની સુવિધા શરૂ કરાઈ
મોટેરા સ્ટેડિયમ મેટ્રો સ્ટેશન પરથી પરત મુસાફરી માટે ટિકિટની ખરીદીમાં ભીડ ટાળવા મુસાફરોની સુવિધા માટે પેપર ટિકિટની સુવિધા શરૂ કરવામાં આવી છે. જે પરત મુસાફરી માટે મેચનાં દિવસે રાત્રે 10 કલાક પછી કોઈ પણ સ્ટેશન સુધીની મુસાફરી માટે રૂ. 50 નાં નિશ્ચિત દરે ખરીદી કરી શકશે.