અમદાવાદમાં આજે વાત કરીએ નરોડા વિસ્તાર (કઠવાડા રિંગ રોડ) માં આવેલા દાસ્તાન ફાર્મના ઓટોવર્લ્ડ મ્યુઝિયમની વૈભવી ગાડીઓના ઠાઠનો અનુભવ કરાવતું ઓટો વર્લ્ડ મ્યુઝિયમ આવેલું છે. આ ઓટોવર્લ્ડ મ્યુઝિયમ કારપ્રેમીઓ માટે એક વિઝ્યુઅલ ટ્રીટ છે. અહીયાં 100 વર્ષ જૂની બેન્ટલી, રોલ્સ રોય્સ, જગુઆર, મેયબેક, કેડીલૈક્સ, લિંકન, ફોર્ડ જેવી એન્ટીક મૂલ્યવાન ગાડીઓનું કલેક્શન છે. અહિંયા કારોની શોધ થઈ એ પહેલાં વપરાતા ટાંગાથી માંડીને રાજા-રજવાડાં તેમજ અંગ્રેજી અમલદારોની વૈભવી ગાડીઓ, વિન્ટેજ બાઈક્સ, એન્ટીક સ્પોટ્ર્સ કાર વગેરે જેવી અલગ-અલગ પ્રકારની ગાડીઓ રાખવામાં આવી છે. નવાઈની વાત એ છે કે આ મ્યુઝિયમની લગભગ તમામ ગાડીઓ ચાલુ અવસ્થામાં છે. તો આવો જોઈએ આજના 'શું પ્લાન' (Shu Plan) વીડિયોમાં...