ગુડ ન્યુઝ / અમદાવાદ-જામનગર વંદે ભારત હવેથી સુરત સુધી દોડશે, રેલવે રાજ્યમંત્રીએ આપી જાણકારી

• અમદાવાદ-જામનગર વચ્ચે દોડતી વંદે ભારત ઉધના સુધી લંબાવાઇ
• રેલવે રાજ્યમંત્રી દર્શના જરદોશે ટ્વિટ કરીને માહિતી આપી
• અગાઉ દેશને એકસાથે 9 વંદે ભારત ટ્રેનને અપાઇ હતી લીલી ઝંડી 

PM મોદીએ 24 સપ્ટેમ્બરના રોજ દેશને એકસાથે 9 વંદે ભારત ટ્રેનને લીલી ઝંડી આપી હતી. દરમ્યાન જામનગરથી અમદાવાદ વચ્ચે પણ વંદે ભારત ટ્રેનને પણ લીલી ઝંડી અપાઇ હતી. ત્યારે હવે આ વંદે ભારત ટ્રેનને લઇને મહત્વના સમાચાર સામે આવી રહ્યાં છે. હવેથી અમદાવાદ-જામનગર વચ્ચે દોડતી વંદે ભારત ટ્રેનને છેક સુરતના ઉધના સુધી લંબાવાઇ છે. ત્યારે જામનગરથી સુરત જનારા મુસાફરોને હવે સુરત જવામાં તકલીફ નહીં પડે. આ અંગે રેલવે રાજ્યમંત્રી દર્શના જરદોશે ટ્વિટ કરીને માહિતી આપી છે.

For the convenience of our passengers, three Vande Bharat Express trains are extended to the following destinations ⤵️

✔️ Extension of 20661/62 KSR Bengaluru-Dharwar Vande Bharat Express upto Belgavi

✔️Extension OF 22925/26 Ahmedabad-Jamnagar Vande Bharat Express upto Udhna.… pic.twitter.com/4XM6WFsyyM

— Darshana Jardosh (@DarshanaJardosh) November 16, 2023

ઉલ્લેખનીય છે કે, 24 સપ્ટેમ્બરના રોજ વડાપ્રધાન મોદીએ દેશને વધુ 9 વંદે ભારત ટ્રેનની ભેટ અર્પણ કરી હતી. એવામાં આ 9 ટ્રેન શરૂ થતા ભારતમાં વંદે ભારત ટ્રેનની સંખ્યા વધીને 33 થઇ ગઇ હતી. ત્યારે આ 9 વંદે ભારત ટ્રેનમાં જામનગર- અમદાવાદ, હૈદરાબાદ-બેંગલુર, કાસરગોડ-તિરૂવનંતપુરમ, જયપુર-ઉદયપુર, પટના-હાવડા, રાંચી-હાવડા, ચેન્નઈ-તિરૂનેલવેલી, પુરી-રાઉરકેલા તથા વિજયવાડા-ચેન્નઈ વચ્ચે વંદે ભારત ટ્રેનને લીલી ઝંડી અપાઇ હતી. ત્યારે ગુજરાતની ત્રીજી વંદે ભારત ટ્રેનને લીલી ઝંડી આપી હતી.

સુરતવાસીઓ આનંદો: હવેથી અમદાવાદ-જામનગર વંદે ભારત છેક સુરત સુધી દોડશે#Surat #vandebharatexpress #AhmedabadJamnagar #vtvgujarati #VTVCard pic.twitter.com/PjbzFfK7kx

— VTV Gujarati News and Beyond (@VtvGujarati) November 16, 2023

અત્રે જણાવીએ કે, આ ટ્રેન બંને દિશામાં સાબરમતી, સાણંદ, વિરમગામ, સુરેન્દ્રનગર, વાંકાનેર અને રાજકોટ સ્ટેશનો પર ઊભી રહેશે. આ ટ્રેનમાં AC ચેર કાર અને એક્ઝિક્યુટિવ ચેર કાર કોચ છે. ત્યારે હવે આ ટ્રેનને વધુ એક સ્ટોપેજ અપાયું છે. એટલે કે હવે આ વંદે ભારત ટ્રેન જામનગરથી છેક સુરતના ઉધના સુધી જશે. જેથી જામનગરથી સુરત કે સુરતથી જામનગર જનારા મુસાફરો તેમજ છેક અમદાવાદ સુધી જનારા સુરતવાસીઓને પણ હવે કોઇ પણ પ્રકારની અગવડતા નહીં પડે.