આસ્થા / રામ આયેંગે..અમદાવાદના આ જાણીતા સ્થળો રામાયણ કાળના નામોની ઓળખાશે, AMCની બેઠકમાં નિર્ણય

• અમદાવાદ મ્યુનિસિપલ કોર્પોરેશનનો મહત્વનો નિર્ણય
• શહેરમાં રામાયણના કાળના નામ પર જોવા મળશે સ્થળ 
• નામને લઈને કોર્પોરેશનમાં દરખાસ્તને મળી મંજૂરી   

દેશમાં ચારે કોર હવે માત્ર અયોધ્યા અને ભગવાન શ્રી રામ મંદિરની જ ચર્ચા છે, ત્યારે અયોધ્યા રામ મંદિરથી પ્રેરણા લઈને કોર્પોરેશન દ્વારા મહત્વનો નિર્ણય કર્યો છે. અમદાવાદ શહેરમાં પણ રામાયણના પાત્રોના નામ પર વિવિધ સ્થળો જોવા મળશે. નામકરણને લઈને અમદાવાદ કોર્પોરેશનમાં પણ દરખાસ્તને મંજૂરી આપી દેવામાં આવી છે. આપને જણાવી દઈએ કે, વિરાટ નગર અને ઓઢવમાં બ્રિજ, લાયબ્રેરી તેમજ ગાર્ડનના નામ રામાયણના પાત્રોના નામ પરથી રાખવામાં આવશે

આ ગાર્ડનનું નામ શબરીવાટિકા અપાશે
અમદાવાદ શહેરના ઓઢવમાં જીઆઇડીસી પાર્ટી પ્લોટને રામ પાર્ટી પ્લોટ નામ અપાશે જ્યારે  શિવ દર્શન સોસાયટી પાસેના બગીચાને શબરીવાટિકા નામ અપાશે. ઓઢવ ગામના બગીચાને અયોધ્યા વન નામ અપાશે જ્યારે ઓઢવ ગામ તળાવને લવકુશ તળાવ નામ આપવામાં આવશે. અંબિકા નગરમાં આવેલી લાઇબ્રેરીને વાલ્મિકી લાઇબ્રેરી નામ અપાશે.

વાંચવા જેવું: રામ મંદિર બનશે તેની 33 વર્ષ પહેલા જ કરી હતી ભવિષ્યવાણી!, હવે આશ્રમ પહોંચ્યું પ્રતિષ્ઠાનું નિમંત્રણ, ચમત્કારિક વૃક્ષનું મહાત્મ્ય

સોનીની ચાલી હવે રામસેતુ બ્રિજ તરીકે ઓળખાશે
વધુમાં જણાવીએ કે, અંજના ચોકને અર્બુદા દેવી ચોક નામ અપાશે તો વિરાટ નગરમાં સોનીની ચાલી બ્રિજને રામસેતુ બ્રિજ નામ આપવામાં આવશે. રાજેન્દ્ર પાર્ક બ્રિજને રામરાજ્ય બ્રિજ જ્યારે વિરાટ નગર બ્રિજને વિશ્વકર્મા બ્રિજ નામકરણ કરવામાં આવશે. આપને જણાવીએ કે, અજિત મિલ બ્રિજને લક્ષ્મણ બ્રિજ તેમજ ફુવારા સર્કલને કેસરી નંદન ચોક નામ આપવામાં આવશે.