આતંક / VIDEO : વસ્ત્રાલમાં લુખ્ખાઓએ વિસ્તાર બાનમાં લીધો, વાહનોમાં તોડફોડ, લોકો પર કર્યો હુમલો!

અવાર નવાર સોશિયલ મીડિયામાં અસામાજીક તત્વોનો આતંકનો વીડિયો વાયરલ થતા હોય છે. ત્યારે ગત રોજ વસ્ત્રાલમાં કેટલાક બેફામ લુખ્ખા તત્વોએ દ્વારા આતંક મચાવ્યો હતો. અસામાજીક તત્વોને જાણે હવે પોલીસનો ડર ન રહ્યો હોય તેમ હથિયાર સાથે રસ્તા પર ઉતરી આવ્યા હતા.

ટોળાએ રસ્તા પરની દુકાનો તેમજ વાહનોમાં તોડફોડ કરી

વીડિયોમાં જોઈ શકાય છે કે કેટલાક અસામાજીક તત્વો દ્વારા હાથમાં તલવાર, પાઈપ, ધોકા સહિતનાં હથિયાર સાથે ટોળું રસ્તા પર ઉતરી આવ્યું હતું. ત્યારે વસ્ત્રાલમાં શાશ્વત-2 સોસાયટી નજીક અસામાજિક તત્વોએ આતંક મચાવ્યો હતો. તેમજ 15 થી 20 જેટલા શખ્સોનાં ટોળાએ સમગ્ર રસ્તાને બાનમાં લીધો હતો. તેમજ રસ્તે જતા વાહન ચાલકોને ઉભા રાખીને માર માર્યો હતો. તેમજ રસ્તા પરની દુકાનો તેમજ વાહનોમાં તોડફોડ કરી હતી.

વધુ વાંચોઃ અંગ દઝાડતી ગરમીમાંથી મળશે રાહત?, જાણો હવામાન વિભાગ અને અંબાલાલની આગાહી

પોલીસે વીડિયોનાં આધારે તપાસ શરૂ કરી

સોશિયલ મીડિયા પર અસામાજીક તત્વોનાં આતંકનો વીડિયો વાયરલ થતા પોલીસ તાત્કાલીક હરકતમાં આવી જવા પામી હતી. તેમજ સોશિયલ મીડિયામાં વાયરલ થયેલ વીડિયોનાં આધારે પોલીસે ઘટના સ્થળે પહોંચી અસામાજીક તત્વોની શોધખોળ હાથ ધરી હતી. તેમજ રામોલ પોલીસ દ્વારા વીડિયોનાં આધારે અસામાજીક તત્વોની શોધખોળ હાથ ધરી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ