દેશ / ભારતીય વાયુસેનામાં ભરતી થવાનો ગોલ્ડન ચાન્સ: અગ્નિવીર ભરતીને લઈ નોટિફિકેશન જાહેર, જાણી લો પ્રોસેસ

• ભારતીય વાયુસેનામાં જોડાવા ઈચ્છતા લોકો માટે ગોલ્ડન ચાન્સ
• અગ્નિવીરવાયુ ભરતી 2024 માટેની નોટિફિકેશન જારી
• ઓનલાઈન રજિસ્ટ્રેશન 27 જૂલાઈથી શરૂ

IAF Agniveer vayu recruitment 2024: ભારતીય વાયુસેનામાં જોડાઈને દેશની રક્ષાનું કામ કરવા ઈચ્છતા લોકો માટે મોટા સમાચાર છે. ભારતીય વાયુસેનાએ અગ્નિવીરવાયુ ભરતી 2024ની નોટિફિકેશન જારી કરી છે. ભરતી માટેની નોટિફિકેશન 12 જૂલાઈ 2023નાં જ ઓફિશિયલ વેબસાઈટ agnipathvayu.cdac.in પર અપલોડ કરવામાં આવી છે.

ક્યારથી રજિસ્ટ્રેશન શરૂ થશે?
અગ્નિવીરવાયુ 2024 માટે ઓનલાઈન રજિસ્ટ્રેશન 27 જૂલાઈ સવારે 10.00 વાગ્યાથી શરૂ થશે અને 17 ઓગસ્ટ 2023નાં રોજ સમાપ્ત થશે. ભારતીય વાયુસેના અગ્નિવીરવાયુનાં રૂપમાં IAFમાં શામેલ થવા માટે 13 ઓક્ટોબર 2023નાં સિલેક્શન ટેસ્ટનું આયોજન કરવામાં આવશે. નોટિફિકેશન અનુસાર મહિલા ઉમેદવારોની સંખ્યા અને સેલેરી યોગ્યતા સેવાની આવશ્યકતાને આધારે નક્કી કરવામાં આવશે.

યોગ્યતા માપદંડ

• આ ભરતી પ્રક્રિયામાં શામેલ થવા માટે મહિલા અને પુરુષ બંને અપરણિત હોવા જોઈએ.
• અરજદારોની ઉંમર વધુમાં વધુ 21 વર્ષની હોવી જોઈએ.
• ઉમેદવારોને ન્યૂનતમ 50% અને અંગ્રેજીમાં 50%ની સાથે COBSE અંડર આવતાં શિક્ષણ બોર્ડથી ગણિત, ભૌતિકશાસ્ત્ર અને અંગ્રેજીની સાથે ઈંટરમીડિએટ/10+2/ સમકક્ષ પરીક્ષા પાસ કરેલ હોવી જોઈએ.

પરીક્ષા ફી
અરજદારોએ એપ્લિકેશન ફી 250 રૂપિયા આપવા પડશે. પેમેન્ટ ગેટવેનાં માધ્યમથી ડેબિટ કાર્ડ/ક્રેડિટ કાર્ડ/ઈંટરનેટ બેંકિંગનો ઉપયોગ કરી શકાશે.