બોલિવૂડના સિંઘમ એટલે કે અજય દેવગને લગભગ 30 વર્ષથી પોતાની એક્ટિંગ દ્વારા ફિલ્મ ઈન્ડસ્ટ્રી પર દબદબો જમાવી રાખ્યો છે. અભિનેતા માત્ર તેના એક્શન અવતાર માટે જ ચર્ચામાં નથી પરંતુ તેની કોમેડી પણ દર્શકોને ખૂબ આકર્ષે છે. બોલિવૂડનો 'સિંઘમ' અજય દેવગન આજે 2જી એપ્રિલે પોતાનો 55મો જન્મદિવસ ઉજવી રહ્યા છે.
જાણીતું જ છે કે અજય દેવગન ઇન્ડસ્ટ્રીના અનુભવી કલાકારોમાંથી એક છે અને પોતાના કરિયરમાં અત્યાર સુધી અજયે ઘણી સુપરહિટ ફિલ્મોમાં કામ કર્યું છે અને પોતાની એક્ટિંગથી લોકોમાં એક અલગ ઓળખ બનાવી છે. અભિનેતાએ 1991માં આવેલી ફિલ્મ 'ફૂલ ઔર કાંટે'થી પોતાના કરિયરની શરૂઆત કરી હતી. જે બાદ તેણે ક્યારેય પાછું વળીને જોયું નથી. હાલમાં જ અજય દેવગનની ફિલ્મ 'શૈતાન' રીલિઝ થઈ હતી, જે હિટ સાબિત થઈ હતી. અજય આવનારા સમયમાં ઘણી મોટી ફિલ્મોમાં જોવા મળવાનો છે. તો આજે તેમના જન્મદિવસના ખાસ અવસર પર, ચાલો એક નજર કરીએ અભિનેતાની આવનારી ફિલ્મોની યાદી.
મેદાન
આ દિવસોમાં અજય દેવગન તેની સ્પોર્ટ્સ બાયોગ્રાફી ફિલ્મ 'મેદાન'ને કારણે ચર્ચામાં છે. આ ફિલ્મ 10 એપ્રિલ, 2024ના રોજ સિનેમાઘરોમાં રિલીઝ થવા જઈ રહી છે. અજય દેવગન સ્ટારર આ ફિલ્મ ફૂટબોલ કોચ સૈયદ અબ્દુલ રહીમ પર આધારિત છે.
'ઓરોં મેં કહાં દમ થા'
અજય દેવગનની આગામી ફિલ્મોમાં 'ઓરોં મેં કહાં દમ થા'ની પણ ખૂબ ચર્ચા છે. આ ફિલ્મ 26મી એપ્રિલે રિલીઝ થઈ રહી છે. આ ફિલ્મનું નિર્દેશન નીરજ પાંડેએ કર્યું છે, જેમાં અજય તબ્બુ સાથે જોવા મળશે.
'સિંઘમ અગેઇન'
રોહિત શેટ્ટીની કોપ યુનિવર્સ ફિલ્મ 'સિંઘમ અગેન' પણ અજય દેવગનની મોસ્ટ અવેટેડ ફિલ્મોમાં સામેલ છે. આ એક મલ્ટી સ્ટારર ફિલ્મ હશે જે 15 ઓગસ્ટે રિલીઝ થશે.
'રેઇડ 2'
અજય દેવગનની આગામી ફિલ્મોની યાદીમાં 'રેડ 2'નું નામ પણ સામેલ છે.આ ફિલ્મ 15 નવેમ્બર 2024ના રોજ રીલિઝ થશે.
'ગોલમાલ 5'
અજય દેવગન પાસે રોહિત શેટ્ટીની કોમેડી ફિલ્મ 'ગોલમાલ 5' પણ છે. અજયની આ ફિલ્મ વર્ષ 2025માં રિલીઝ થશે.
'દે દે પ્યાર દે 2'
અજય દેવગનની ફિલ્મ 'દે દે પ્યાર દે 2' વિશે વાત કરીએ જે આવતા વર્ષે 1 મે, 2025ના રોજ રિલીઝ થઈ રહી છે.
