તમારા કામનું / સાયબર ફ્રોડનો શિકાર બન્યા પછી ફટાફટ કરી લેવું જોઈએ આ કામ, પાછા મળી જશે ચોરી થયેલ પૈસા

• નાની ભૂલ પણ તમને સાયબર ઠગનો ભોગ બનાવી શકે
• સાયબર ફ્રોડનો શિકાર બની જાઓ એ પછી શું કરવું જોઈએ. 
• પૈસા પાછા મેળવવા કરો આ કામ 

ટેકનોલોજીએ આપણા કામને ઘણું સહેલું બનાવી દીધું છે. આજે સ્માર્ટફોન અને બીજા ઘણા ઉપકરણો આપણા જીવનનાનો મહત્વનો હિસ્સો બની ગયો છે. આજે આપણે ઘણા નાણાકીય વ્યવહારો આપણે સ્માર્ટ ફોનની મદદથી કરીએ છીએ. આજે ડિજિટલ ઇકોસિસ્ટમ સમગ્ર વિશ્વમાં ઝડપથી વિસ્તરી રહ્યું છે એવામાં લોકો વધુ હોશિયાર બનીને એક પગલું આગળ ભરી ડિજિટલ રીતે ફ્રોડ પણ કરી રહ્યા છે. જેમ જેમ ડિજિટલ અને ટેકનોલોજી આગળ વધી રહી છે એમ એમ લોકોને વધુ સચેત રહેવાની જરૂર છે. 

એક નાની ભૂલ પણ તમને સાયબર ઠગનો ભોગ બનાવી શકે છે. ઘણી વખત ઘણા લોકો આ સાયબર ફ્રોડનો શિકાર બની જતાં હોય છે એવામાં આજે અમે તમને એ જણાવવા જઈ રહ્યા છીએ કે જો તમે પણ આ સાયબર ફ્રોડનો શિકાર બની જાઓ એ પછી શું કરવું જોઈએ. 

સાયબર ફ્રોડનો શિકાર બની ગયા પછી પૈસા પાછા મેળવવા કરો આ કામ 
- સાયબર ફ્રોડનો શિકાર બની ગયા પછી લોકો પહેલા પરેશાન થતાં હોય છે એ સમયે એમને સૌથી પહેલા બેંક હેલ્પલાઈન પર ફોન કરવો જોઈએ. 
- એ પછી તમારી બેંકને આખી ઘટના વિશે જાણ કરવી જોઈએ અને તમારા ખાતાના ટ્રાન્જેક્શનને બ્લોક કરવાનું સૂચના આપવી જોઈએ. ઘણાઈ વખત એવું જોવા મળ્યું છે કે સાયબર ઠગ વ્યક્તિના ખાતામાંથી  એક વખત પૈસા ઉપાડ્યા પછી ફરીથી પૈસા ઉપાડવાનો પ્રયાસ કરે છે.
- તમારી સાથે થયેલ ફ્રોડની ફરિયાદ પોલીસ સ્ટેનશમાં પણ નોંધાવવી જોઈએ. ફરિયાદ નોંધાવતા સમયે તમારે બેંક પાસબુક રેકોર્ડની નકલ, ID ની નકલ અને સરનામાના પુરાવા પોલીસ સ્ટેશનમાં જમા કરાવવાના રહેશે. એ પછી જ પોલીસ ઘટનાની તપાસ શરૂ કરશે. 
- એ પછી મહત્વનું એ છે કે સાયબર ફ્રોડના કિસ્સામાં તરત જ 1930 નંબર પર કૉલ કરવો જોઈએ. આ નંબર નેશનલ સાયબર ક્રાઈમ રિપોર્ટિંગ પોર્ટલના છે. એકવાર આ નંબર પર ફરિયાદ નોંધાવ્યા પછી તમારા પૈસા પાછા મળવાની શક્યતાઓ ઘણી વધી જાય છે.