MI vs CSKની મેચમાં મુંબઈ ઈન્ડિયન્સનો પરાજય થયો છે. મુંબઈની ટીમે ટોસ જીતીને પહેલા બોલિંગનો નિર્ણય લીધો હતો. બેટિંગમાં ઉતરેલી ચેન્નની ટીમે 207 રનનો ટાર્ગેટ આપ્યો હતો. પરંતુ મુંબઈની ટીમ 20 ઓવર રમીને 6 વિકેટ ગુમાવી 186 રન જ બનાવી શકી હતી. આ મેચમાં રોહિત શર્માની સદી પણ નક્કામી ગઈ હતી. કેમ કે તેની અણનમ સદી છતા મુંબઈની હાર થઈ હતી.
રોહિત શર્માએ 12 વર્ષ બાદ IPLમાં સદી ફટકારી હતી. પરંતુ તેમ છતા રોહીત IPLની હિસ્ટરીનો પ્રથમ એવો બેટ્સમેન બન્યો જેમાં તેને સદી મારી છતા પોતાની ટીમને હારનો સામનો કરવો પડ્યો. રોહિતે 63 બોલમાં 105 રન ઠોક્યા હતા, જેમાં 11 ચોગ્ગા અને 5 છગ્ગા ફટકાર્યા હતા.
ચેન્નઈના ઋતુરાજ ગાયકવાડ અને શિવમ દુબે વચ્ચે સારા રનની ભાગીદારી થઈ હતી. ગાયકવાડે 40 બોલમાં 69 રન કર્યા હતા. ધોનીએ છેલ્લી ઓવરમાં ત્રણ છગ્ગા મારીને ટીમનો સ્કોર 206 રને પહોંચાડી દીધો હતો. 207 રનનો ટાર્ગેટ ચેજ કરવા ઉતરેલી મુંબઈની શરૂઆત સારી રહી હતી. જેમાં રોહિત અને ઈશાન કિશને 7 ઓવરમાં 70 રન બનાવ્યા હતા. મુંબઈ મજબૂત સ્થિતિમાં હતુ. પરંતુ આઠમી ઓવરમાં જેવો પથિરાના બોલીંગ કરવા આવ્યો ત્યારે મેચ અચાનક બદલાઈ ગઈ, પથિરાનાએ પહેલા જ બોલમાં કિશનને આઉટ કર્યો હતો. સૂર્યકુમાર પણ શૂ્ન્ય પર પેવેલિયન ભેગો થયો હતો.
વધુ વાંચોઃ 25,000 કરોડના માલિક ધોનીના દિવાના થયાં, બોલ્યાં- મને ગર્વ કે 'મારુ નામ પણ ‘MAHI'
ચેન્નઈના પથિરાનાએ આ મેચમાં જોરદાર બોલિંગ પર્ફોમન્સ આપ્યુ હતુ. તેને 4 ઓવરમાં માત્ર 28 રન આપી 4 વિકેટ પાડી હતી. આ સાથે જ પથિરાના ચેન્નઈનો ચાર વિકેટ લેનારો યંગેસ્ટ બોલર બની ગયો.પથિરાનાએ 21 વર્ષ 118 દિવસની ઉમંરમાં આ રેકોર્ડ બનાવ્યો. પોઈન્ટ ટેબલમાં ચેન્નઈ કુલ 6માંથી 4 મેચ જીતીને ત્રીજા નંબરે છે. તો મુંબઈ કુલ 6માંથી 4 મેચ હારીને આઠમાં નંબરે છે.MI vs CSKની છેલ્લી પાંચ મેચમાં ચેન્નઈનું પલડુ ભારે રહ્યુ છે. મુંબઈ છેલ્લી પાંચ મેચમાં 1 વખત ચેન્નઈ સામે જીતી શક્યુ છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
