દયનીય / તાલિબાનનો એવો ખૌફ કે માએ કાળજાના કટકાને કાંટાળા તાર તરફ ફેંક્યો, બ્રિટિશ આર્મી પણ થઈ ભાવુક

• તાલિબાનના કબ્જા બાદ પરિસ્થિતિ ખૂબ દયનિય
• મહિલાઓ રડીને માંગી રહી હતી મદદ 
• બ્રિટિશ સૈનિકોની આંખોમાં આવી ગયા આંસુ 

તાલિબાનના કબ્જા બાદ અફગાનિસ્તાનમાં  નાસભાગ મચી ગઈ છે. મોટી સંખ્યામાં અફઘાની એ આશાએ એરપોર્ટ પહોંચી રહ્યા છે કે કદાચ તેમને દેશથી બહાર લઈ જવામાં આવે. કાબુલ એરપોર્ટની બહાર હજારો લોકો હાજર છે. જેમાં મહિલાઓ અને બાળકો પણ શામેલ છે. અફઘાનિ મહિલાઓ રડી રડીને અમેરિકી અને બ્રિટિશ સૈનિકોને જીવ બચાવવા માટે ભીખ માંગી કહી છે. આ નજારો જોઈને કડક મિજાજ ધરાવતા સૈનિતોની આંખો પણ ભીની થઈ ગઈ છે. તેમના પણ આંસુ રોકાઈ નથી રહ્યા. 

મહિલા રડીને માંગી રહી હતી મદદ 
એક રિપોર્ટ અનુસાર કાબુલ એરપોર્ટ હાલ અમેરિકી અને બ્રિટિશ સૈનિકોના કબ્જામાં છે. જ્યારે બહાર તાલિબાનો તૈનાત છે. અફઘાનિસ્તાન છોડવાની આશામાં એરપોર્ટ પહોંચનાર મહિલાઓના હાલ બે હાલ છે. તે રોઈ રોઈને સૈનિકોને જીવ બચાવવા માટે મદદ માંગી રહી છે. પરંતુ દરેક વ્યક્તિની મદદ કરવી સૈનિકો માટે શક્ય નથી. આ મજબૂરી અને લાચારીના કારણે સૈનિક પણ દુખી છે અને તેમનું દુખ આંસુઓના રૂપમાં બહાર આવી રહ્યું છે. 

સૈનિકની આંખમાં છલકાયા આંસુ 
અફઘાનિ મહિલાઓ પોતાના બાળકોની રક્ષા માટે તેમને બીજાને સોંપવા માટે પણ મજબૂર થઈ ગઈ છે. મહિલાઓ એરપોર્ટના ગેટ પર લગાવવામાં આવેલા કાંટાના તાર પરથી બાળકોને સૈનિકોની તરફ ફેંકી રહી છે. બુધવારે જ્યારે એક મહિલાએ પોતાની નાની બાળકીને તારની ઉપરથી ફેંકી તો તેને બીજી બાજુ ઉભેલા સૈનિકે પડલી લીધી. એક માતાની આ મજબૂરી જોઈને તે સૈનિકની આંખોમાં આંસુ આવી ગયા હતા.

સૈનિકે પકડી લીધી બાળકી 
એક બ્રિટિશ અધિકારીએ જણાવ્યું કે મહિલાઓ એટલા ભયમાં છે કે તે પોતાના બાળકોને કાંટાવાળા તારની ઉપરથી બ્રિટિશ અને અમેરિકી સૈનિકોની તરફ ફેંકી રહી છે. જેથી તેમના જીવ બચી શકે. ભીડમાં હાજર એક મહિલાએ જોરથી બૂમ પાડી "મારી બાળકીને બચાઓ" અને પછી તેને અમારી તરફ ઉછાળી. સારી વાત એ રહી કે સૈનિકે તેને છેલ્લી ઘડીએ પકડી લીધી અને તેનો જીવ બચી ગયો. 

સૈનિકો બધાની મદદ કરવા માંગે છે પણ 
અધિકારીએ જણાવ્યું કે, એવો એક પણ વ્યક્તિ નથી જે પોતે દુખ, લાચારી અને ભયનો માહોલ જોઈને રોયો ન હોય. એરપોર્ટ પર તૈનાત સૈનિકોની આંખો નમ છે. તે બધાની મદદ કરવા માંગે છે. એરપોર્ટ પર તૈનાત સૈનિકોની આંખો નમ છે, તે દરેકની મદદ કરવા માંગે છે. પરંતુ તે સંભવ ન થઈ શકે. એરપોર્ટ પર જ્યારે એક મહિલાએ રોતા પોતાના બાળકને અમેરિકી સૈનિકને આપ્યું તો તેને લેવાથી ઈનકાર ન કરી શક્યા. હાલ લગભગ 800 બ્રિટિશ અને 5000 અમેરિકી સૈનિક આ સમયે કાબુલ એરપોર્ટ પર તૈનાત છે. પોત પોતાના નાગરિકોને સુરક્ષિત બહાર કાઢ્યા બાદ બધા ત્યાંથી પરત ફરી જશે. જોકે લાચારી અને દુઃખની જે પરિસ્થિતિ જોવા મળી રહી છે તે કદાચ જ ભૂલી શકાય.